Qaraǵandy oblysynda 46 jyldan beri alǵash ret 1 million tonna astyq jinaldy. Bul týraly búgin Astanada Ortalyq kommýnikatsiialar qyzmetinde ótken brifingte Qaraǵandy oblysy ákiminiń aýyl sharýashylyq boiynsha orynbasary Shagýrashid Mamalinov málim etti, dep habarlaidy Ult.kz tilshisi QazAqparat agenttigine silteme jasap.
«Astyq bastyrý naýqany aiaqtalyp keledi. Gektaryna 14 tsentner astyq shyǵyp, jalpy kólemi 1 millionnan astam tonna ónim alyndy. Mundai ónimdilik 1970 jyldan beri 46 jylda alǵash ret jinalyp otyr», - dedi Mamalinov.
Sonymen qatar búginde óńirde kartop pen kókónistiń 99,1 paiyzy jinaldy.
«Eń aldymen, bul memlekettik qoldaýdyń, aýa-raiynyń qolailyǵynyń, innovatsiialyq tehnika men eginshilerdiń joǵary biliktiliginiń arqasy», - deidi ákim orynbasary.
Onyń málimetteri boiynsha, Qaraǵandy oblysynda ylǵal saqtaityn tehnologiialar alqaptyń 80 paiyzynda qoldanylýda. Al tamshylap sýarý tehnologiialary 1 myńnan astam gektar jerge qoldanylýda.
.jpeg)