Qaraǵandy oblysyn bólý jospary usynyldy, - dep habarlaidy "Ult aqparat".
Memleket basshysynyń tapsyrmasy boiynsha qurylatyn Ulytaý oblysyna qandai qalalar men aýdandar kiretini belgili boldy. Qaraǵandy oblystyq máslihatynyń XII, kezekten tys sessiiasynda óńirdiń jańa ákimshilik-aýmaqtyq bólinisi talqylandy.
Ulytaý oblysyna Jezqazǵan, Qarajal, Sátbaev qalalaryn, Jańaarqa jáne Ulytaý aýdandaryn qosý usynyldy. Halyq sany 227 200 adamdy quraidy.
Qaraǵandy oblysynda Qaraǵandy, Balqash, Saran, Temirtaý, Shahtinsk jáne Priozersk qalalary, sondai-aq jeti aýdan: Abai, Aqtoǵai, Buqar Jyraý, Qarqaraly, Nura, Osakarov jáne Shet aýdandary qalady. 1 145 000 adam halyq sanymen.
– Oblysta Ulytaý oblysyn qurý boiynsha ákimshilik-aýmaqtyq qurylys máselelerin sheshý algoritmi ázirlendi. Jezqazǵan, Qarajal, Sátbaev, Jańaarqa jáne Ulytaý aýdandarynda 12-13 sáýirde joǵaryda atalǵan óńirlerdi qurylatyn Ulytaý oblysynyń quramyna engizý máselesi boiynsha máslihattardyń qalalyq jáne aýdandyq sessiialary ótkizildi. Sessiia qorytyndysy boiynsha tiisti birlesken aktiler alyndy, – dep baiandady ekonomika basqarmasynyń basshysy Azamat Muqanov.
Onyń aitýynsha, óńirdi bólýdiń oryndylyǵy týraly ǵalymdardyń oń qorytyndysy alyndy. Ǵylymi saraptama E. A. Bóketov atyndaǵy Qaraǵandy memlekettik ýniversitetinde jasaldy.
Júrgizilip jatqan qaita qurýlar boiynsha tiisti ekonomikalyq esepteýler júrgizildi.
Úkimetke Qaraǵandy oblysynyń shekarasyn ózgertý týraly usynystar engiziletin bolady. Shemalyq Karta jobalary ázirlendi.
– Sheshim tekserildi. Aimaqtyń bólinýi barlyq jaǵynan qarastyrylǵan. Turǵyndardyń pikirleri eskerildi, – dep atap ótti Qaraǵandy oblysynyń ákimi Jeńis Qasymbek.
Eske sala keteiik, 16 naýryzda QR Prezidenti Qasym-Jomart Toqaev Qazaqstan halqyna arnaǵan Joldaýynda Jezqazǵan qalasynda ortalyǵy bar jańa Ulytaý oblysyn qurý bastamasy týraly aitqan bolatyn.
