قاراعاندى وبلىسىن بٶلۋ جوسپارى ۇسىنىلدى

قاراعاندى وبلىسىن بٶلۋ جوسپارى ۇسىنىلدى, - دەپ حابارلايدى "ۇلت اقپارات".

مەملەكەت باسشىسىنىڭ تاپسىرماسى بويىنشا قۇرىلاتىن ۇلىتاۋ وبلىسىنا قانداي قالالار مەن اۋداندار كٸرەتٸنٸ بەلگٸلٸ بولدى. قاراعاندى وبلىستىق مەسليحاتىنىڭ XII, كەزەكتەن تىس سەسسيياسىندا ٶڭٸردٸڭ جاڭا ەكٸمشٸلٸك-اۋماقتىق بٶلٸنٸسٸ تالقىلاندى.

ۇلىتاۋ وبلىسىنا جەزقازعان, قاراجال, سەتباەۆ قالالارىن, جاڭاارقا جەنە ۇلىتاۋ اۋداندارىن قوسۋ ۇسىنىلدى. حالىق سانى 227 200 ادامدى قۇرايدى.

قاراعاندى وبلىسىندا قاراعاندى, بالقاش, ساران, تەمٸرتاۋ, شاحتينسك جەنە پريوزەرسك قالالارى, سونداي-اق جەتٸ اۋدان: اباي, اقتوعاي, بۇقار جىراۋ, قارقارالى, نۇرا, وساكاروۆ جەنە شەت اۋداندارى قالادى. 1 145 000 ادام حالىق سانىمەن.

– وبلىستا ۇلىتاۋ وبلىسىن قۇرۋ بويىنشا ەكٸمشٸلٸك-اۋماقتىق قۇرىلىس مەسەلەلەرٸن شەشۋ الگوريتمٸ ەزٸرلەندٸ. جەزقازعان, قاراجال, سەتباەۆ, جاڭاارقا جەنە ۇلىتاۋ اۋداندارىندا 12-13 سەۋٸردە جوعارىدا اتالعان ٶڭٸرلەردٸ قۇرىلاتىن ۇلىتاۋ وبلىسىنىڭ قۇرامىنا ەنگٸزۋ مەسەلەسٸ بويىنشا مەسليحاتتاردىڭ قالالىق جەنە اۋداندىق سەسسييالارى ٶتكٸزٸلدٸ. سەسسييا قورىتىندىسى بويىنشا تيٸستٸ بٸرلەسكەن اكتٸلەر الىندى, – دەپ باياندادى ەكونوميكا باسقارماسىنىڭ باسشىسى ازامات مۇقانوۆ.

ونىڭ ايتۋىنشا, ٶڭٸردٸ بٶلۋدٸڭ ورىندىلىعى تۋرالى عالىمداردىڭ وڭ قورىتىندىسى الىندى. عىلىمي ساراپتاما ە. ا. بٶكەتوۆ اتىنداعى قاراعاندى مەملەكەتتٸك ۋنيۆەرسيتەتٸندە جاسالدى.

جٷرگٸزٸلٸپ جاتقان قايتا قۇرۋلار بويىنشا تيٸستٸ ەكونوميكالىق ەسەپتەۋلەر جٷرگٸزٸلدٸ.

ٷكٸمەتكە قاراعاندى وبلىسىنىڭ شەكاراسىن ٶزگەرتۋ تۋرالى ۇسىنىستار ەنگٸزٸلەتٸن بولادى. سحەمالىق كارتا جوبالارى ەزٸرلەندٸ.

– شەشٸم تەكسەرٸلدٸ. ايماقتىڭ بٶلٸنۋٸ بارلىق جاعىنان قاراستىرىلعان. تۇرعىنداردىڭ پٸكٸرلەرٸ ەسكەرٸلدٸ, – دەپ اتاپ ٶتتٸ قاراعاندى وبلىسىنىڭ ەكٸمٸ جەڭٸس قاسىمبەك.

ەسكە سالا كەتەيٸك, 16 ناۋرىزدا قر پرەزيدەنتٸ قاسىم-جومارت توقاەۆ قازاقستان حالقىنا ارناعان جولداۋىندا جەزقازعان قالاسىندا ورتالىعى بار جاڭا ۇلىتاۋ وبلىسىن قۇرۋ باستاماسى تۋرالى ايتقان بولاتىن.