Qaraǵandy oblysyndaǵy Qarabas ótkelinde 14 júk vagony relsten shyǵyp ketti, - dep habarlaidy "Ult aqparat" "Qazaqstan temir joly" kompaniiasynyń baspasóz qyzmetine silteme jasap.
Oqiǵa 17 qarasha saǵat 06:15-te bolǵan.
"Qaraǵandy oblysynyń Qaraǵandy-Suryptaý-Aqadyr ýchaskesiniń Qarabas - OP 767 ótkelinde júk poiyzynyń 14 vagony relsten shyǵyp ketti. Qurbandar men zardap shekkender joq", - delingen habarlamada.
Bul ýchaskede jolaýshylar jáne júk poiyzdarynyń qozǵalysy ýaqytsha toqtatyldy. Aldyn ala boljam boiynsha, júk poiyzynyń relsten shyǵýyna jekemenshikke tiesili vagondardyń durys jumys istemeýi sebep bolǵan.
QTJ-da bolǵan oqiǵanyń mán-jaiyn anyqtaý úshin arnaiy komissiia quryldy.
Oqiǵa ornyna Qaraǵandy, Jańaarqa, Astana stantsiialarynyń úsh qalpyna keltirý poiyzy jumyldyrylǵan.
