قاراعاندى وبلىسىنداعى قاراباس ٶتكەلٸندە 14 جٷك ۆاگونى رەلستەن شىعىپ كەتتٸ, - دەپ حابارلايدى "ۇلت اقپارات" "قازاقستان تەمٸر جولى" كومپانيياسىنىڭ باسپاسٶز قىزمەتٸنە سٸلتەمە جاساپ.
وقيعا 17 قاراشا ساعات 06:15-تە بولعان.
"قاراعاندى وبلىسىنىڭ قاراعاندى-سۇرىپتاۋ-اقادىر ۋچاسكەسٸنٸڭ قاراباس - وپ 767 ٶتكەلٸندە جٷك پويىزىنىڭ 14 ۆاگونى رەلستەن شىعىپ كەتتٸ. قۇرباندار مەن زارداپ شەككەندەر جوق", - دەلٸنگەن حابارلامادا.
بۇل ۋچاسكەدە جولاۋشىلار جەنە جٷك پويىزدارىنىڭ قوزعالىسى ۋاقىتشا توقتاتىلدى. الدىن الا بولجام بويىنشا, جٷك پويىزىنىڭ رەلستەن شىعۋىنا جەكەمەنشٸككە تيەسٸلٸ ۆاگونداردىڭ دۇرىس جۇمىس ٸستەمەۋٸ سەبەپ بولعان.
قتج-دا بولعان وقيعانىڭ مەن-جايىن انىقتاۋ ٷشٸن ارنايى كوميسسييا قۇرىلدى.
وقيعا ورنىنا قاراعاندى, جاڭاارقا, استانا ستانتسييالارىنىڭ ٷش قالپىنا كەلتٸرۋ پويىزى جۇمىلدىرىلعان.
