Qaraǵandy farmatsevtikalyq kesheni (QFK) «Gam-KOVID-Vak» (Spýtnik – V) vaktsinasyna tirkeý kýáligin aldy, dep habarlandy QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegam paraqshasynda.
Budan buryn habarlanǵandai, 2021 jyldyń 13 aqpanynda preparat Qazaqstan Respýblikasy Densaýlyq saqtaý ministrliginiń Saraptama uiymynyń, tirkeý dereknamasynyń materialdaryn qaraý nátijesi boiynsha vaktsinanyń qaýipsizdigi, sapasy men tiimdiligi týraly qorytyndysy alyndy.
QR Densaýlyq saqtaý ministrliginiń qoldaýynyń arqasynda 15 aqpan kúni tirkeý kýáligi berildi. Aldyn ala esepteýler boiynsha, ústimizdegi jyldyń aqpan aiynyń sońynda elimizdiń barlyq óńirlerine QFK óndirgen «Spýtnik - V» vaktsinasynyń 90 myńǵa jýyq dozasyn jetkizý josparlanýda.
Budan basqa, vaktsinany qoldaný kezinde «paida – qaýip» araqatynasynyń úzdiksiz monitoringin qamtamasyz etý maqsatynda kúdikti jaǵymsyz reaktsiialar týraly DSM Meditsinalyq jáne farmatsevtikalyq baqylaý komitetiniń Dárilik zattar men meditsinalyq buiymdardy saraptaý ulttyq ortalyǵyna, sondai-aq «Qaraǵandy farmatsevtikalyq kesheninine habarlaý mańyzdy.
