قاراعاندى فارماتسەۆتيكالىق كەشەنٸ (قفك) «گام-كوۆيد-ۆاك» (سپۋتنيك – V) ۆاكتسيناسىنا تٸركەۋ كۋەلٸگٸن الدى, دەپ حابارلاندى قر ٷكٸمەتٸ جانىنداعى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegam پاراقشاسىندا.
بۇدان بۇرىن حابارلانعانداي, 2021 جىلدىڭ 13 اقپانىندا پرەپارات قازاقستان رەسپۋبليكاسى دەنساۋلىق ساقتاۋ مينيسترلٸگٸنٸڭ ساراپتاما ۇيىمىنىڭ, تٸركەۋ دەرەكناماسىنىڭ ماتەريالدارىن قاراۋ نەتيجەسٸ بويىنشا ۆاكتسينانىڭ قاۋٸپسٸزدٸگٸ, ساپاسى مەن تيٸمدٸلٸگٸ تۋرالى قورىتىندىسى الىندى.
قر دەنساۋلىق ساقتاۋ مينيسترلٸگٸنٸڭ قولداۋىنىڭ ارقاسىندا 15 اقپان كٷنٸ تٸركەۋ كۋەلٸگٸ بەرٸلدٸ. الدىن الا ەسەپتەۋلەر بويىنشا, ٷستٸمٸزدەگٸ جىلدىڭ اقپان ايىنىڭ سوڭىندا ەلٸمٸزدٸڭ بارلىق ٶڭٸرلەرٸنە قفك ٶندٸرگەن «سپۋتنيك - V» ۆاكتسيناسىنىڭ 90 مىڭعا جۋىق دوزاسىن جەتكٸزۋ جوسپارلانۋدا.
بۇدان باسقا, ۆاكتسينانى قولدانۋ كەزٸندە «پايدا – قاۋٸپ» اراقاتىناسىنىڭ ٷزدٸكسٸز مونيتورينگٸن قامتاماسىز ەتۋ ماقساتىندا كٷدٸكتٸ جاعىمسىز رەاكتسييالار تۋرالى دسم مەديتسينالىق جەنە فارماتسەۆتيكالىق باقىلاۋ كوميتەتٸنٸڭ دەرٸلٸك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنا, سونداي-اق «قاراعاندى فارماتسەۆتيكالىق كەشەنٸنٸنە حابارلاۋ ماڭىزدى.
