Turǵyndardyń shaǵymynan keiin «Qaraǵandy Energoortalyq» JShS-ǵa tekserý júrgizilip, 4,6 mln teńge aiyppul salyndy, dep habarlaidy "Ult aqparat".
«Qaraǵandy qalasy turǵyndarynyń páterdegi tómen temperatýralarǵa qatysty shaǵymdary negizinde QR Ulttyq ekonomika ministrligi Tabiǵi monopoliialardy retteý komitetiniń Qaraǵandy oblysy boiynsha departamenti «Qaraǵandy Energoortalyq» JShS-ǵa qatysty jospardan tys tekserý júrgizdi. Onyń nátijeleri boiynsha, jetkizý jáne qaitarý qubyrlarynda berilgen jáne naqty kórsetkishterdiń aitarlyqtai aýytqýy anyqtaldy. Osy kórsetkishterdiń negizinde sýbekti kórsetetin qyzmetter belgilengen sapaǵa sáikes kelmeitini anyqtaldy», - delingen ministrlik komitetiniń aqparatynda.
Osylaisha, «Qaraǵandy Energoortalyq» JShS-ǵa Ákimshilik quqyq buzýshylyq kodeksiniń 164-baby 4-bóligimen 4 667 200 teńgeaiyppul salyndy.
«Sondai-aq, qoldanystaǵy zańnamaǵa sáikes úige ortaq esepteý quraldary joq tutynýshylarǵa tolyq jetkizilmegen jylý energiiasy úshin qaita esepteý júrgiziledi. Qaita esepteý 2020-2021 jj jylytý maýsymy aiaqtalǵan soń júrgiziletinin habarlaimyz», - dedi komitetten.
