Foto: Uiymdastyýshylardan
Búgin shahmattan kadetter arasyndaǵy álem chempionatynyń 380 qatysýshysy biik taýly Shymbulaq kýrortyn improvizatsiia sahnasyna ainaldyrdy: sheteldik sportshylar áigili qazaq bii «Qara jorǵany» biledi. Qar jamylǵan taýlar aiasyndaǵy bi sheńberi demalys kúniniń jarqyn aktsentine jáne qonaqtar men qabyldaýshy el arasyndaǵy shynaiy mádeni kópirge ainaldy.
Ásirese Zimbabve komandasy úshin qarmen alǵashqy kezdesý erekshe áserli sát boldy. Delegatsiia jetekshisi doktor Mikoti Mersi Mýshangve óz áserimen bólisti:
«Biz Qazaqstanǵa alǵash ret kelip otyrmyz. Osyndai keremet chempionatty uiymdastyrǵandaryńyz úshin rahmet. Bizge Almaty qalasy óte unady – ol ádemi, jasyl ári qonaqjai eken. Búgin Shymbulaqta balalarymyz qardy alǵash ret kórdi. Óitkeni biz ystyq elde turamyz jáne ony ustap kórýdi armandaitynbyz, al búgin balalar tipti qar atysyp ta oinady».
Týrnirdiń ekvatoryndaǵy chempionat
Bul ýaqytta Almatyda, Balýan Sholaq atyndaǵy SKK arenasynda, FIDE World Cadet Chess Championships 2025 jalǵasýda. Alty týr oinaldy – joldyń jartysynan óttik. Medal úshin kúreske 88 elden kelgen 842 jas shahmatshy qatysýda: 8, 10 jáne 12 jasqa deiingi uldar (Open) men qyzdar (Girls) sanatynda.
Qazaqstan rekord ornatty: eldiń barlyq 20 óńirinen 229 oiynshy qatysyp otyr. Qatysýshylar sany boiynsha Almaty kósh bastap tur – 86, odan keiin Astana – 47.
Negizgi sanattardaǵy aralyq nátijeler:
G8 – Alisha Bisalieva (Qazaqstan) 6 upaimen kósh bastap tur.
O8 – 100%-dyq nátijeni Van Iýisiýan (Qytai) kórsetip keledi, qazaqstandyq Ádinur Ádilbek 5½ upaimen ekinshi orynda.
G10 – alda WCM Chinzorig Nandindjigýýr (Mońǵoliia), qazaqstandyq Milana Filippova men Adelina Nurhanqyzynyń sáikesinshe 4½ jáne 4 upaiy bar.
O10 – úndilik AFM Mani Sarbarto kósh bastap tur (6), jeti qazaqstandyq qýǵynshylar tobynda.
G12 – amerikalyq WFM Lori Kiý 6 upai jinady.
O12 – kóshbasshylar qatarynda almatylyq CM Danis Qýandyquly jáne túrik sportshysy Ali Poiraz Ýzdemir – 5½ upaidan.
Erteń qatysýshylar 7-shi týrǵa shyǵady, onda alǵashqy naqty medal úmitkerleri anyqtalmaq.
Týrnirdiń resmi seriktesteri: Sense Robot, Sporttyq nysandar direktsiiasy, «Balýan Sholaq» arenasy, Best Service, Primus Capital, Shymbulak Water, Air Astana áýe kompaniiasy, Almaty Tourism Bureau jáne Almaty halyqaralyq áýejaiy.
Aqparattyq qoldaý kórsetkender: DKNews, «Kýrsiv», «Eýraziia» birinshi arnasy, «7 arna», «Mir» TRK, «Qazsport», «Almaty» telearnasy, Astana TV, Toppress, Dala News, Ult.kz, Today Info, Zakon.kz, ChessBase, Lichess.org, «Chessno govoria» telegram-arnasy, Qalam Balam, ChessBase India jáne Sport Plus.
Dombyra únimen oryndalǵan «Qara jorǵa» bii men alǵashqy qardy kórip qýanǵan qatysýshylar úshin umytylmas kún syilap, Qazaqstannyń qonaqjailyǵyn taǵy da aishyqtap berdi.
