فوتو: ۇيىمداستىۋشىلاردان
بٷگٸن شاحماتتان كادەتتەر اراسىنداعى ەلەم چەمپيوناتىنىڭ 380 قاتىسۋشىسى بيٸك تاۋلى شىمبۇلاق كۋرورتىن يمپروۆيزاتسييا ساحناسىنا اينالدىردى: شەتەلدٸك سپورتشىلار ەيگٸلٸ قازاق بيٸ «قارا جورعانى» بيلەدٸ. قار جامىلعان تاۋلار اياسىنداعى بي شەڭبەرٸ دەمالىس كٷنٸنٸڭ جارقىن اكتسەنتٸنە جەنە قوناقتار مەن قابىلداۋشى ەل اراسىنداعى شىنايى مەدەني كٶپٸرگە اينالدى.
ەسٸرەسە زيمبابۆە كومانداسى ٷشٸن قارمەن العاشقى كەزدەسۋ ەرەكشە ەسەرلٸ سەت بولدى. دەلەگاتسييا جەتەكشٸسٸ دوكتور ميكوتي مەرسي مۋشانگۆە ٶز ەسەرٸمەن بٶلٸستٸ:
«بٸز قازاقستانعا العاش رەت كەلٸپ وتىرمىز. وسىنداي كەرەمەت چەمپيوناتتى ۇيىمداستىرعاندارىڭىز ٷشٸن راحمەت. بٸزگە الماتى قالاسى ٶتە ۇنادى – ول ەدەمٸ, جاسىل ەرٸ قوناقجاي ەكەن. بٷگٸن شىمبۇلاقتا بالالارىمىز قاردى العاش رەت كٶردٸ. ٶيتكەنٸ بٸز ىستىق ەلدە تۇرامىز جەنە ونى ۇستاپ كٶرۋدٸ ارماندايتىنبىز, ال بٷگٸن بالالار تٸپتٸ قار اتىسىپ تا وينادى».
تۋرنيردٸڭ ەكۆاتورىنداعى چەمپيونات
بۇل ۋاقىتتا الماتىدا, بالۋان شولاق اتىنداعى سكك ارەناسىندا, FIDE World Cadet Chess Championships 2025 جالعاسۋدا. التى تۋر وينالدى – جولدىڭ جارتىسىنان ٶتتٸك. مەدال ٷشٸن كٷرەسكە 88 ەلدەن كەلگەن 842 جاس شاحماتشى قاتىسۋدا: 8, 10 جەنە 12 جاسقا دەيٸنگٸ ۇلدار (Open) مەن قىزدار (Girls) ساناتىندا.
قازاقستان رەكورد ورناتتى: ەلدٸڭ بارلىق 20 ٶڭٸرٸنەن 229 ويىنشى قاتىسىپ وتىر. قاتىسۋشىلار سانى بويىنشا الماتى كٶش باستاپ تۇر – 86, ودان كەيٸن استانا – 47.
نەگٸزگٸ ساناتتارداعى ارالىق نەتيجەلەر:
G8 – اليشا بيساليەۆا (قازاقستان) 6 ۇپايمەن كٶش باستاپ تۇر.
O8 – 100%-دىق نەتيجەنٸ ۆان يۋيسيۋان (قىتاي) كٶرسەتٸپ كەلەدٸ, قازاقستاندىق ەدينۇر ەدٸلبەك 5½ ۇپايمەن ەكٸنشٸ ورىندا.
G10 – الدا WCM چينزوريگ نانديندجيگۋۋر (موڭعولييا), قازاقستاندىق ميلانا فيليپپوۆا مەن ادەلينا نۇرحانقىزىنىڭ سەيكەسٸنشە 4½ جەنە 4 ۇپايى بار.
O10 – ٷندٸلٸك AFM ماني ساربارتو كٶش باستاپ تۇر (6), جەتٸ قازاقستاندىق قۋعىنشىلار توبىندا.
G12 – امەريكالىق WFM لوري كيۋ 6 ۇپاي جينادى.
O12 – كٶشباسشىلار قاتارىندا الماتىلىق CM دانيس قۋاندىقۇلى جەنە تٷرٸك سپورتشىسى الي پويراز ۋزدەمير – 5½ ۇپايدان.
ەرتەڭ قاتىسۋشىلار 7-شٸ تۋرعا شىعادى, وندا العاشقى ناقتى مەدال ٷمٸتكەرلەرٸ انىقتالماق.
تۋرنيردٸڭ رەسمي سەرٸكتەستەرٸ: Sense Robot, سپورتتىق نىساندار ديرەكتسيياسى, «بالۋان شولاق» ارەناسى, Best Service, Primus Capital, Shymbulak Water, Air Astana ەۋە كومپانيياسى, Almaty Tourism Bureau جەنە الماتى حالىقارالىق ەۋەجايى.
اقپاراتتىق قولداۋ كٶرسەتكەندەر: DKNews, «كۋرسيۆ», «ەۋرازييا» بٸرٸنشٸ ارناسى, «7 ارنا», «مير» ترك, «قازسپورت», «الماتى» تەلەارناسى, Astana TV, Toppress, Dala News, Ult.kz, Today Info, Zakon.kz, ChessBase, Lichess.org, «چەسسنو گوۆوريا» تەلەگرام-ارناسى, Qalam Balam, ChessBase India جەنە Sport Plus.
دومبىرا ٷنٸمەن ورىندالعان «قارا جورعا» بيٸ مەن العاشقى قاردى كٶرٸپ قۋانعان قاتىسۋشىلار ٷشٸن ۇمىتىلماس كٷن سىيلاپ, قازاقستاننىڭ قوناقجايلىعىن تاعى دا ايشىقتاپ بەردٸ.
