Almatyda «Car city» bazaryna reid júrgizgen politseiler 5 qylmyskerdi qolǵa túsirdi, dep habarlaidy QazAqparat tilshisi.
Politseiler ótken senbide avtobólshek bazarynda kezekti tekseris júrgizdi. Sharaǵa 600-den asa ishki ister qyzmetkeri jumyldyryldy. 5 jedel toby saýda núktelerinen bólek tehnikalyq qyzmet kórsetý oryndaryn da teksergen.
«Ýchaskelik inspektor izin sýytpai múlik urlaý qylmysyn áshkereledi. Qylmys jasaǵan 1994 jyly týǵan K. esimdi azamat buǵan deiin birneshe ret sottalǵan. Budan basqa 149 adam ákimshilik jaýapkershilikke tartyldy. Sonymen qatar 126 adam aty-jónin anyqtaý maqsatynda ishki ister organyna jetkizildi. Ózbekstandyq 10 azamattyń elde migratsiia zańyn buzyp júrgeni anyqtaldy. Reid barysynda ata-anasynan jyraqta júrgen, Qazaqstannyń basqa óńirlerinen kelgen 3 jasóspirim ustaldy. Bul balalar kámelettik jasqa tolmaǵandardyń ýaqytsha beiimdeý ortalyǵyna ornalastyryldy», - dedi Almaty IID resmi ókili Saltanat Ázirbek.
Tártip saqshylarynyń aitýynsha, mundai tekserýler aldaǵy ýaqytty turaqty túrde ótkizilip turmaq. Ondaǵy maqsat - qaladaǵy qylmystyq ahýaldy túzep, zań talaptaryn buzǵandardy ustaý. Bireýdiń múlkin urlaǵandar, urlanǵan zattardy satýmen ainalysqandardy jazaǵa tartyp, zańsyz migratsiia kanaldaryn anyqtaý bolyp tabylady.
