Qazaqstanda Úndistannan kelgen taǵy bir stýdent sýǵa batyp ketti, - dep habarlaidy Tengrinews.kz.
Oqiǵa 7 shildede Qapshaǵai sý qoimasynda bolǵan. Almaty oblysy Tótenshe jaǵdailar departamentiniń málimetinshe, Asfendiiarov atyndaǵy Qazaq ulttyq meditsina ýniversitetiniń stýdenti, 23 jastaǵy Úndistan azamaty kúndizgi saǵat 14:50 shamasynda sý qoimasynda batyp ketken.
"Almatydan kelgen bir top stýdent sý qoimasy jaǵasynda júzip júrgen. Keiin olar jaǵadan alys júzip, qutqarýshylardyń eskertýin elemegen. Bir kezde stýdentterdiń biri basqalardan ári qarai júzip, óz kúshin eseptemei batyp ketti", - dedi vedomstvo ókilderi.
Stýdenttiń denesin oblystyq TJD qutqarýshylary taýyp alyp shyqty.
Eske salaiyq, buǵan deiin maýsymnyń aiaǵynda Túrkistan oblysynyń Aqsý shatqalyndaǵy sý qoimasynda Úndistannan kelgen eki jigit sýǵa batyp ketti. Qaza tapqandar Ońtústik Qazaqstan meditsina akademiiasynyń stýdentteri edi.
