Qapshaǵai sý qoimasynda balyq shabaqtarynyń qyrylýyna bailanysty Qylmystyq kodekstiń 328-babynyń belgileri boiynsha is qozǵaldy, dep habarlaidy "Ult aqparat" Ekologiia, geologiia jáne tabiǵi resýrstar ministrliginiń baspasóz qyzmetine silteme jasap.
"2 qarashada «Instagram» jelisinde balyq shabaqtarynyń qyrylýy tirkelgen beinejazba ornalastyryldy.
Ekologiia jáne politsiia departamentteriniń, Balqash-Alakól oblysaralyq basseindik balyq sharýashylyǵy inspektsiiasynyń jáne jergilikti atqarýshy organnyń, Qonaev qalasynyń Tótenshe jaǵdailar basqarmasynyń, Qonaev qalasy boiynsha sanitarlyq-epidemiologiialyq baqylaý basqarmasynyń, «Qazgidromet» RMK, «Balyq sharýashylyǵynyń ǵylymi-óndiristik ortalyǵy» JShS qyzmetkerlerinen quralǵan jumys toby balyq shabaqtarynyń qyrylýy oryn alǵan jerge shyqty.
Búgingi tańda Qonaev qalasy boiynsha sanitarlyq-epidemiologiialyq baqylaý basqarmasy, Almaty oblysy boiynsha ekologiia departamenti, «Balyq sharýashylyǵynyń ǵylymi-óndiristik ortalyǵy» JShS, «Qazgidromet» RMK balyq shabaqtarynyń qyrylý sebepterin anyqtaý úshin tiisti zertteýler júrgizip jatyr. Gidrohimiialyq taldaý nátijeleri 3 kúnnen keiin, toksikologiialyq jáne ihtiopatologiialyq taldaý nátijeleri 1 aidan keiin belgili bolady" - delingen habarlamada.
Vedomstvo málimetinshe, 2-3 qarashada Lev gory aýdanynda Qapshaǵai sý qoimasynyń 11 balyq sharýashylyǵy ýchaskesinde Balqash-Alakól oblysaralyq balyq sharýashylyǵy basseindik inspektsiiasy (budan ári - inspektsiia) jáne «Aina Sý» JShS qoryqshylyq qyzmeti qyzmetkerleriniń kúshimen sanitarlyq normalardy saqtai otyryp, odan ári joiýdy júrgizý arqyly qyrylǵan balyq shabaqtaryn jinaý júrgizilgen. Qyrylǵan balyq shabaqtarynyń jalpy salmaǵy 1232 kg qurady (qarakóz balyǵynyń segoletkalary).
Budan basqa, kórsetilgen fakt boiynsha Qylmystyq kodekstiń 328-babynyń belgileri boiynsha (jer ústi nemese jer asty sýlarynyń, muzdyqtardyń, aýyz sýmen jabdyqtaý kózderiniń lastanýy, bitelýi, sarqylýy ne eger bul eleýli ekologiialyq zalal keltirýge nemese adam densaýlyǵyna ziian keltirýge ákep soqtyrsa nemese olardyń tabiǵi qasietteriniń ózge de ózgerýi) qylmystyq is qozǵalǵan. Qazirgi ýaqytta balyq resýrstaryna keltirilgen zalal esebi júrgizilip jatyr.
"Sondai-aq, Inspektsiiaǵa barlyq quzyretti jáne múddeli organdar engizilgen balyq shabaqtarynyń qyrylý sebepterin anyqtaý boiynsha Birikken shtab qurý jóninde tapsyrma berildi. Sý qoimasy men onyń jaǵalaý beldeýiniń akvatoriialaryna monitoring júrgizý jalǵasyp jatyr" - delingen ministrlik habarlamasynda.
