قاپشاعاي سۋ قويماسىندا بالىق شاباقتارىنىڭ قىرىلۋىنا بايلانىستى قىلمىستىق كودەكستٸڭ 328-بابىنىڭ بەلگٸلەرٸ بويىنشا ٸس قوزعالدى, دەپ حابارلايدى "ۇلت اقپارات" ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
"2 قاراشادا «Instagram» جەلٸسٸندە بالىق شاباقتارىنىڭ قىرىلۋى تٸركەلگەن بەينەجازبا ورنالاستىرىلدى.
ەكولوگييا جەنە پوليتسييا دەپارتامەنتتەرٸنٸڭ, بالقاش-الاكٶل وبلىسارالىق باسسەيندٸك بالىق شارۋاشىلىعى ينسپەكتسيياسىنىڭ جەنە جەرگٸلٸكتٸ اتقارۋشى ورگاننىڭ, قوناەۆ قالاسىنىڭ تٶتەنشە جاعدايلار باسقارماسىنىڭ, قوناەۆ قالاسى بويىنشا سانيتارلىق-ەپيدەميولوگييالىق باقىلاۋ باسقارماسىنىڭ, «قازگيدرومەت» رمك, «بالىق شارۋاشىلىعىنىڭ عىلىمي-ٶندٸرٸستٸك ورتالىعى» جشس قىزمەتكەرلەرٸنەن قۇرالعان جۇمىس توبى بالىق شاباقتارىنىڭ قىرىلۋى ورىن العان جەرگە شىقتى.
بٷگٸنگٸ تاڭدا قوناەۆ قالاسى بويىنشا سانيتارلىق-ەپيدەميولوگييالىق باقىلاۋ باسقارماسى, الماتى وبلىسى بويىنشا ەكولوگييا دەپارتامەنتٸ, «بالىق شارۋاشىلىعىنىڭ عىلىمي-ٶندٸرٸستٸك ورتالىعى» جشس, «قازگيدرومەت» رمك بالىق شاباقتارىنىڭ قىرىلۋ سەبەپتەرٸن انىقتاۋ ٷشٸن تيٸستٸ زەرتتەۋلەر جٷرگٸزٸپ جاتىر. گيدروحيمييالىق تالداۋ نەتيجەلەرٸ 3 كٷننەن كەيٸن, توكسيكولوگييالىق جەنە يحتيوپاتولوگييالىق تالداۋ نەتيجەلەرٸ 1 ايدان كەيٸن بەلگٸلٸ بولادى" - دەلٸنگەن حابارلامادا.
ۆەدومستۆو مەلٸمەتٸنشە, 2-3 قاراشادا لەۆ گورى اۋدانىندا قاپشاعاي سۋ قويماسىنىڭ 11 بالىق شارۋاشىلىعى ۋچاسكەسٸندە بالقاش-الاكٶل وبلىسارالىق بالىق شارۋاشىلىعى باسسەيندٸك ينسپەكتسيياسى (بۇدان ەرٸ - ينسپەكتسييا) جەنە «اينا سۋ» جشس قورىقشىلىق قىزمەتٸ قىزمەتكەرلەرٸنٸڭ كٷشٸمەن سانيتارلىق نورمالاردى ساقتاي وتىرىپ, ودان ەرٸ جويۋدى جٷرگٸزۋ ارقىلى قىرىلعان بالىق شاباقتارىن جيناۋ جٷرگٸزٸلگەن. قىرىلعان بالىق شاباقتارىنىڭ جالپى سالماعى 1232 كگ قۇرادى (قاراكٶز بالىعىنىڭ سەگولەتكالارى).
بۇدان باسقا, كٶرسەتٸلگەن فاكت بويىنشا قىلمىستىق كودەكستٸڭ 328-بابىنىڭ بەلگٸلەرٸ بويىنشا (جەر ٷستٸ نەمەسە جەر استى سۋلارىنىڭ, مۇزدىقتاردىڭ, اۋىز سۋمەن جابدىقتاۋ كٶزدەرٸنٸڭ لاستانۋى, بٸتەلۋٸ, سارقىلۋى نە ەگەر بۇل ەلەۋلٸ ەكولوگييالىق زالال كەلتٸرۋگە نەمەسە ادام دەنساۋلىعىنا زييان كەلتٸرۋگە ەكەپ سوقتىرسا نەمەسە ولاردىڭ تابيعي قاسيەتتەرٸنٸڭ ٶزگە دە ٶزگەرۋٸ) قىلمىستىق ٸس قوزعالعان. قازٸرگٸ ۋاقىتتا بالىق رەسۋرستارىنا كەلتٸرٸلگەن زالال ەسەبٸ جٷرگٸزٸلٸپ جاتىر.
"سونداي-اق, ينسپەكتسيياعا بارلىق قۇزىرەتتٸ جەنە مٷددەلٸ ورگاندار ەنگٸزٸلگەن بالىق شاباقتارىنىڭ قىرىلۋ سەبەپتەرٸن انىقتاۋ بويىنشا بٸرٸككەن شتاب قۇرۋ جٶنٸندە تاپسىرما بەرٸلدٸ. سۋ قويماسى مەن ونىڭ جاعالاۋ بەلدەۋٸنٸڭ اكۆاتورييالارىنا مونيتورينگ جٷرگٸزۋ جالعاسىپ جاتىر" - دەلٸنگەن مينيسترلٸك حابارلاماسىندا.
