Sýret ashyq derekkózden alyndy
Saýda jáne integratsiia ministri Arman Shaqqaliev eldegi qant tapshylyǵy týraly qaýesetke qatysty túsinik berdi, dep habarlaidy QazAqparat agenttigi.
«Jyl basynan beri qant baǵasynyń 11%-ǵa tómendegenin baiqap otyrmyz. Qant tapshylyǵy joq jáne bolmaidy. Árine, byltyr bul tóńirekte másele týyndady. Osyǵan bailanysty qant zaýyttaryn qoldaý baǵdarlamasy qabyldandy. Búginde 4 zaýyt 70 myń tonnaǵa jýyq qant óndirdi. Qazaqstanǵa Reseiden qant ákelinip jatyr. Sondyqtan jalpy naryqtaǵy jaǵdai teńdestirilgen. Qanttyń qymbattaýyna negiz joq», - dep jaýap qatty Arman Shaqqaliev BAQ ókilderiniń saýalyna orai.
Qosa ketsek, osy brifingide sóz alǵan Saýda komitetiniń tóraǵasy Aidar Ábildabekov keibir óńirlerdegi kásipkerler bidaidy qymbat baǵamen satyp jatqanyn aitty. Onyń deregine sai, Básekelestikti qorǵaý jáne damytý agenttigi astyq qunyn negizsiz kótergenderge tergeý júrgizedi.
