Foto: Sputnik / Vladislav Vodnev
2025 jyldyń 1 qyrkúieginen bastap bilim berý uiymdarynda jańa Tamaqtaný standarty engiziledi. Standart durys tamaqtanýǵa qoiylatyn zamanaýi halyqaralyq talaptardy eskere otyryp ázirlengen jáne qantty tutynýdy 3,6 esege deiin, tuzdy 5 esege deiin azaitýdy, sondai-aq kókónister, jemister men sút ónimderin tutynýdy arttyrýdy kózdeidi. Bul týraly búgin Úkimet otyrysynda Densaýlyq saqtaý ministri Aqmaral Álnazarova málimdedi, dep habarlaidy Ult.kz.
Standart sondai-aq shaǵyn jinaqty mektepterde, býfetterde tamaqtanýdy uiymdastyrýǵa jáne arnaiy dietalyq qajettilikteri bar balalardyń tamaqtanýyna qoiylatyn talaptardy qamtidy.
Balalardyń tamaqtanýǵa qanaǵattaný deńgeiin anyqtaý jáne mektepte tamaqtanýdy uiymdastyrý júiesiniń tiimdiligin baǵalaý úshin alǵash ret «jeýge jaramsyzdyq indeksi» (tamaq ishkennen keiin tárelkede qalǵan tamaq qaldyqtary mólsheriniń satylǵan taǵamdardyń jalpy kólemine qatynasyn bildiredi) uǵymy engizildi.
Tamaqtaný standartyn iske asyrý úshin mektepte tamaqtanýǵa arnalǵan birneshe nusqaly úlgilik standartty as máziri ázirlendi, alǵash ret ystyq taǵam ázirleýge múmkindigi joq shaǵyn jinaqty mektepterge arnalǵan mázir jasaldy.
"Mektep oqýshylarynyń tamaqtaný standartyn engizý, profilaktikalyq tekserýler júrgizý, vaktsinatsiiany uiymdastyrý jáne balalarǵa shuǵyl kómek kórsetý boiynsha 2 myńnan astam mektep meiirgerleri oqytyldy. Jańa Tamaqtaný standartyn iske asyrý úshin Ákimderden jergilikti biýdjetten qarjylandyrýdy ulǵaitýdy jáne mektep tamaǵynyń sapasyna qoiylatyn joǵary talaptardy eskerýdi suraimyn", - dedi Álnazarova Úkimet otrysynda.
Elimizdegi balalardyń 65 %-dan astamy mektepterde oqidy.
Aqmaral Álnazarovanyń aitýynsha biylǵy jyly mektepterdiń 4,0%-y ǵana, iaǵni 312 mektep pen mektep ashanalaryna tekserý júrgizildi.
"Jalpy, tekserý nátijeleri boiynsha: 246 nusqama berildi; 117 adam jalpy somasy 31 mln teńgeden astam (31 519 980) ákimshilik jaýapkershilikke tartyldy; 90 qyzmetker jumystan shettetildi; sotqa 8 material jiberildi", - dedi ministr óz sózinde.
Jalpy, ótken oqý jylmen salystyrǵanda biylǵy oqý jylynda sanitariialyq-epidemiologiialyq qorytyndysy joq mektepterdiń sany 1,4 ese (229-dan 155-ke) azaidy.
"Jyl saiyn mektepterdiń jańa oqý jylyna daiyndyǵyna monitoring júrgizilýde, búgingi kúni 2 myńǵa jýyq mektep (1961) monitoringpen qamtyldy. «Jaily mektep» Ulttyq jobasy boiynsha sanitariialyq-epidemiologiialyq qorytyndy alýǵa 95 ótinish qaralyp, obektilerdiń sáikestigi týraly 88 qorytyndy berildi", - dedi ol.
Sondai-aq ministrdiń sózinshe ministrlik memlekettik biýdjetten qarjylandyrylatyn balalar obektilerinde memlekettik baqylaýdy kúsheitý boiynsha jańa tásilderdi ázirledi.
Onda:
- mektepterdegi qyzmet kórsetetin barlyq sýbektilerdi (mektep, ashana, meditsinalyq pýnkti) bir mezgilde tekserý;
- «kenetten» tekserýler printsipin engizý – aldyn ala habarlaýdy alyp tastaý;
- baqylaýdyń jańa nysanyn engizý – obektilerge barý arqyly monitoring júrgizý kózdelgen.
Zańnamaǵa tiisti túzetýler Parlament depýtatarynyń qaraýynda ekeni aityldy.
