فوتو: Sputnik / ۆلاديسلاۆ ۆودنەۆ
2025 جىلدىڭ 1 قىركٷيەگٸنەن باستاپ بٸلٸم بەرۋ ۇيىمدارىندا جاڭا تاماقتانۋ ستاندارتى ەنگٸزٸلەدٸ. ستاندارت دۇرىس تاماقتانۋعا قويىلاتىن زاماناۋي حالىقارالىق تالاپتاردى ەسكەرە وتىرىپ ەزٸرلەنگەن جەنە قانتتى تۇتىنۋدى 3,6 ەسەگە دەيٸن, تۇزدى 5 ەسەگە دەيٸن ازايتۋدى, سونداي-اق كٶكٶنٸستەر, جەمٸستەر مەن سٷت ٶنٸمدەرٸن تۇتىنۋدى ارتتىرۋدى كٶزدەيدٸ. بۇل تۋرالى بٷگٸن ٷكٸمەت وتىرىسىندا دەنساۋلىق ساقتاۋ مينيسترٸ اقمارال ەلنازاروۆا مەلٸمدەدٸ, دەپ حابارلايدى Ult.kz.
ستاندارت سونداي-اق شاعىن جيناقتى مەكتەپتەردە, بۋفەتتەردە تاماقتانۋدى ۇيىمداستىرۋعا جەنە ارنايى ديەتالىق قاجەتتٸلٸكتەرٸ بار بالالاردىڭ تاماقتانۋىنا قويىلاتىن تالاپتاردى قامتيدى.
بالالاردىڭ تاماقتانۋعا قاناعاتتانۋ دەڭگەيٸن انىقتاۋ جەنە مەكتەپتە تاماقتانۋدى ۇيىمداستىرۋ جٷيەسٸنٸڭ تيٸمدٸلٸگٸن باعالاۋ ٷشٸن العاش رەت «جەۋگە جارامسىزدىق يندەكسٸ» (تاماق ٸشكەننەن كەيٸن تەرەلكەدە قالعان تاماق قالدىقتارى مٶلشەرٸنٸڭ ساتىلعان تاعامداردىڭ جالپى كٶلەمٸنە قاتىناسىن بٸلدٸرەدٸ) ۇعىمى ەنگٸزٸلدٸ.
تاماقتانۋ ستاندارتىن ٸسكە اسىرۋ ٷشٸن مەكتەپتە تاماقتانۋعا ارنالعان بٸرنەشە نۇسقالى ٷلگٸلٸك ستاندارتتى اس مەزٸرٸ ەزٸرلەندٸ, العاش رەت ىستىق تاعام ەزٸرلەۋگە مٷمكٸندٸگٸ جوق شاعىن جيناقتى مەكتەپتەرگە ارنالعان مەزٸر جاسالدى.
"مەكتەپ وقۋشىلارىنىڭ تاماقتانۋ ستاندارتىن ەنگٸزۋ, پروفيلاكتيكالىق تەكسەرۋلەر جٷرگٸزۋ, ۆاكتسيناتسييانى ۇيىمداستىرۋ جەنە بالالارعا شۇعىل كٶمەك كٶرسەتۋ بويىنشا 2 مىڭنان استام مەكتەپ مەيٸرگەرلەرٸ وقىتىلدى. جاڭا تاماقتانۋ ستاندارتىن ٸسكە اسىرۋ ٷشٸن ەكٸمدەردەن جەرگٸلٸكتٸ بيۋدجەتتەن قارجىلاندىرۋدى ۇلعايتۋدى جەنە مەكتەپ تاماعىنىڭ ساپاسىنا قويىلاتىن جوعارى تالاپتاردى ەسكەرۋدٸ سۇرايمىن", - دەدٸ ەلنازاروۆا ٷكٸمەت وترىسىندا.
ەلٸمٸزدەگٸ بالالاردىڭ 65 %-دان استامى مەكتەپتەردە وقيدى.
اقمارال ەلنازاروۆانىڭ ايتۋىنشا بيىلعى جىلى مەكتەپتەردٸڭ 4,0%-ى عانا, ياعني 312 مەكتەپ پەن مەكتەپ اسحانالارىنا تەكسەرۋ جٷرگٸزٸلدٸ.
"جالپى, تەكسەرۋ نەتيجەلەرٸ بويىنشا: 246 نۇسقاما بەرٸلدٸ; 117 ادام جالپى سوماسى 31 ملن تەڭگەدەن استام (31 519 980) ەكٸمشٸلٸك جاۋاپكەرشٸلٸككە تارتىلدى; 90 قىزمەتكەر جۇمىستان شەتتەتٸلدٸ; سوتقا 8 ماتەريال جٸبەرٸلدٸ", - دەدٸ مينيستر ٶز سٶزٸندە.
جالپى, ٶتكەن وقۋ جىلمەن سالىستىرعاندا بيىلعى وقۋ جىلىندا سانيتارييالىق-ەپيدەميولوگييالىق قورىتىندىسى جوق مەكتەپتەردٸڭ سانى 1,4 ەسە (229-دان 155-كە) ازايدى.
"جىل سايىن مەكتەپتەردٸڭ جاڭا وقۋ جىلىنا دايىندىعىنا مونيتورينگ جٷرگٸزٸلۋدە, بٷگٸنگٸ كٷنٸ 2 مىڭعا جۋىق مەكتەپ (1961) مونيتورينگپەن قامتىلدى. «جايلى مەكتەپ» ۇلتتىق جوباسى بويىنشا سانيتارييالىق-ەپيدەميولوگييالىق قورىتىندى الۋعا 95 ٶتٸنٸش قارالىپ, وبەكتٸلەردٸڭ سەيكەستٸگٸ تۋرالى 88 قورىتىندى بەرٸلدٸ", - دەدٸ ول.
سونداي-اق مينيستردٸڭ سٶزٸنشە مينيسترلٸك مەملەكەتتٸك بيۋدجەتتەن قارجىلاندىرىلاتىن بالالار وبەكتٸلەرٸندە مەملەكەتتٸك باقىلاۋدى كٷشەيتۋ بويىنشا جاڭا تەسٸلدەردٸ ەزٸرلەدٸ.
وندا:
- مەكتەپتەردەگٸ قىزمەت كٶرسەتەتٸن بارلىق سۋبەكتٸلەردٸ (مەكتەپ, اسحانا, مەديتسينالىق پۋنكتٸ) بٸر مەزگٸلدە تەكسەرۋ;
- «كەنەتتەن» تەكسەرۋلەر پرينتسيپٸن ەنگٸزۋ – الدىن الا حابارلاۋدى الىپ تاستاۋ;
- باقىلاۋدىڭ جاڭا نىسانىن ەنگٸزۋ – وبەكتٸلەرگە بارۋ ارقىلى مونيتورينگ جٷرگٸزۋ كٶزدەلگەن.
زاڭناماعا تيٸستٸ تٷزەتۋلەر پارلامەنت دەپۋتاتارىنىڭ قاراۋىندا ەكەنٸ ايتىلدى.
