Kólik politsiiasynyń qyzmetkerleri Almatydaǵy politsiia ǵimaraty men áýejaiǵa shabýyl jasaǵandardyń birin ustady. Bul týraly IIM Kóliktegi politsiia basqarmasynyń basshysy Ońal Bekiev málimdedi, - dep habarlaidy Tengrinews.kz tilshisi vedomstvonyń baspasóz qyzmetine silteme jasap.
Vedomstvonyń málimetinshe, qylmyskerdi qańtardaǵy tártipsizdikti tergeitin kóliktegi politsiia departamentiniń jedel-tergeý tobynyń qyzmetkerleri ustaǵan.
"Beinebaqylaý kamerasyndaǵy jazbalardy qaraý barysynda Almaty qalasynda turatyn 24 jastaǵy Jambyl oblysynyń týmasy anyqtalyp, ustaldy. Anyqtalǵandai, ol biylǵy jyldyń 5 qańtarynda basqa da tártipsizdikterge qatysýshylarmen birge, qarý-jaraq dúkeninen qarý urlap, Almaty áýejaiyna qarýly shabýyl jasaǵan. Sodan keiin jas jigit sybailastarymen Almaty qalalyq IID ǵimaratyn tańǵy saǵat 6-ǵa deiin qorshaýǵa alǵan", - dedi general-maior Bekiev.
