Qańtarda ótip jatqan Ulttyq biryńǵai testileýge qatysqan talapkerlerdiń 34 paiyzy 50 ball jinai almady. Bul týraly QR Ulttyq testileý ortalyǵynyń direktory Rýslan Emelbaev aitty, dep habarlaidy QazAqparat.
«Ulttyq biryńǵai test tapsyrýǵa 103 886 ótinim qabyldandy. Onyń ishinde 95 paiyzy osy jylǵy 11 jáne 12 synyp oqýshylary, al 4 765-i joǵary oqý ornyna akademiialyq kezeńge shartty túrde qabyldanǵan 1-kýrs stýdentteri, 413-i pedagogikalyq ǵylymdar salasyna aýysatyn stýdentter jáne 327-si shyǵarmashylyqtan basqa bilim berý toptaryna aýysatyn stýdentter boldy», - dedi ol Bilim ministrliginiń apparat jinalysynda.
Onyń dereginshe, osy ýaqytqa deiin 29 myń talapker test tapsyryp úlgerdi. Olardyń ishinde qazaq tilinde 78 paiyzy, 21 paiyzy orys tilinde tapsyrdy. Munan bólek 43 bala UBT-ny aǵylshyn tilinde tapsyrýǵa bildirip, onyń 38-i testileýge qatysty.
«50 ball jinai almaǵan talapkerlerdiń sany 10 myń adamdy quraidy. Iaǵni 34 paiyzy belgilengen shekte mejeden asa almady. 65 paiyzy shekti mejeden asty. 5 pán boiynsha ortasha ball – 65,14. Eń joǵar ball – 134», - dedi Rýslan Emelbaev.
