قاڭتاردا ٶتٸپ جاتقان ۇلتتىق بٸرىڭعاي تەستٸلەۋگە قاتىسقان تالاپكەرلەردٸڭ 34 پايىزى 50 بالل جيناي المادى. بۇل تۋرالى قر ۇلتتىق تەستٸلەۋ ورتالىعىنىڭ ديرەكتورى رۋسلان ەمەلباەۆ ايتتى, دەپ حابارلايدى قازاقپارات.
«ۇلتتىق بٸرىڭعاي تەست تاپسىرۋعا 103 886 ٶتٸنٸم قابىلداندى. ونىڭ ٸشٸندە 95 پايىزى وسى جىلعى 11 جەنە 12 سىنىپ وقۋشىلارى, ال 4 765-ٸ جوعارى وقۋ ورنىنا اكادەمييالىق كەزەڭگە شارتتى تٷردە قابىلدانعان 1-كۋرس ستۋدەنتتەرٸ, 413-ٸ پەداگوگيكالىق عىلىمدار سالاسىنا اۋىساتىن ستۋدەنتتەر جەنە 327-سٸ شىعارماشىلىقتان باسقا بٸلٸم بەرۋ توپتارىنا اۋىساتىن ستۋدەنتتەر بولدى», - دەدٸ ول بٸلٸم مينيسترلٸگٸنٸڭ اپپارات جينالىسىندا.
ونىڭ دەرەگٸنشە, وسى ۋاقىتقا دەيٸن 29 مىڭ تالاپكەر تەست تاپسىرىپ ٷلگەردٸ. ولاردىڭ ٸشٸندە قازاق تٸلٸندە 78 پايىزى, 21 پايىزى ورىس تٸلٸندە تاپسىردى. مۇنان بٶلەك 43 بالا ۇبت-نى اعىلشىن تٸلٸندە تاپسىرۋعا بٸلدٸرٸپ, ونىڭ 38-ٸ تەستٸلەۋگە قاتىستى.
«50 بالل جيناي الماعان تالاپكەرلەردٸڭ سانى 10 مىڭ ادامدى قۇرايدى. ياعني 34 پايىزى بەلگٸلەنگەن شەكتە مەجەدەن اسا المادى. 65 پايىزى شەكتٸ مەجەدەن استى. 5 پەن بويىنشا ورتاشا بالل – 65,14. ەڭ جوعار بالل – 134», - دەدٸ رۋسلان ەمەلباەۆ.
