© AP Photo / Vladimir Tretyakov / NUR.KZ
Qazaqstan qańtar oqiǵasynyń saldaryn joiýǵa 37 milliard teńge baǵyttaidy. Bul týraly Májiliste 2022 jylǵa arnalǵan respýblikalyq biýdjetti naqtylaý týraly zań jobasyn tanystyrǵan qarjy vitse-ministri Tatiana Saveleva málimdedi, dep habarlaidy Sputnik Qazaqstan.
Aitýynsha, biyl Prezident tapsyrmalaryn iske asyrýǵa qosymsha 1,8 trillion teńge bólinedi.
"Qańtar oqiǵasynyń saldaryn joiýǵa 37 milliard teńge jumsalady. Onyń ishinde Almaty qalasynda jáne basqa óńirlerde zardap shekken shaǵyn jáne orta biznes sýbektilerine qoldaý kórsetýge 21 milliard teńge bólinedi", - dedi Saveleva.
Jalpy ulttyq ekonomika ministrliginiń málimetinshe, ShOB-ty qoldaýǵa qajettilik 45 milliard teńgeni quraǵan. Buǵan deiin Úkimet rezervinen 24 milliard teńge bólinip qoidy.
Al jappai tártipsizdikter kezinde búlingen ákimshilik, áleýmettik jáne kommýnaldyq nysandardy, infraqurylymdy qalpyna keltirýge 10 milliard teńge bólinedi. Jalpy qajettilik – 22 milliard teńge, Úkimet rezervinen 12 milliard teńge qarastyryldy, - dedi vitse-ministr.
Sondai-aq Almaty qalasyndaǵy Prezident rezidentsiiasy ǵimaratyn demontajdaýǵa 6 milliard teńge qarastyrylyp otyr.
