Qańtar oqiǵasy kezinde zardap shekken shaǵyn jáne orta biznes sýbektilerine ótemaqy tóleý aiaqtaldy, dep habarlaidy QazAqparat.
Almaty ákimi Erbolat Dosaevtyń aitýynsha, barlyǵy 14,5 mlrd teńgege 1 594 ótinim maquldandy.
«Shaǵyn jáne orta biznes – qala ekonomikasynyń negizi. Onda eńbekke qabiletti halyqtyń 64%-ti jumys isteidi. Sondyqtan, biznesti qoldaýǵa erekshe kóńil bólinedi. 2022 jyly biýdjetten qosymsha 5 mlrd teńge bólinip, 46,9 mlrd teńgege deiin ulǵaityldy. Búginde 16,5 mlrd teńgege shaǵyn jáne orta biznestiń 219 jobasy qarjylandyryldy», – dedi Erbolat Dosaev Ortalyq kommýnikatsiialar qyzmeti alańyndaǵy brifingide.
Nátijesinde, 1 maýsymda jumys isteitin kásiporyndar sany 19,5%-ke ósti.
Aita keteiik, Almatyda qańtar oqiǵasy kezinde 1 600-ge jýyq biznes sýbektisi zardap shekti. Onyń 96 paiyzy shaǵyn jáne orta biznes ókilderine tiesili.
