Qańtar oqiǵasynda ustalǵan azamattardyń arasynda jazyqsyzdar áli de bar. Bul týraly «Amanat» komissiiasynyń múshesi Ýais Ersaiynuly málim etti, dep habarlaidy QazAqparat.
«Qańtar oqiǵasyna qanshama baýyrymyz zardap shekti. Olardyń arasynda jazyqsyzdary, kinásizderi bar. Sondyqtan osy jaitqa bei-jai qaramai, naqaqtan-naqaq qamaýǵa túsken baýyrlarymyzdy bosatý úshin kómegimizdi tigizeiik dep sheshim qabyldadyq», - dedi Ýais Ersaiynuly BAQ ókilderine arnalǵan brifing barysynda.
Onyń atap ótýinshe, qazirgi ýaqytta tergeý izoliatorlarynda kinásiz adamdar otyrýy múmkin. Sondyqtan komissiia jumysyn jańa deńgeide jalǵastyrý qajet.
«Taldyqorǵan qalasynda ata-anasynyń qamqorlyǵynsyz qalǵan Arystanbek degen baýyrymyzdyń bostandyqqa shyǵýyna kómek kórsettik. Et-jaqyn týysynan 75 jastaǵy atasy ǵana bar eken. Mundai mysaldar óte kóp. 18 jasqa tolǵanyna 2 kún bolǵan kezde alańǵa shyqqan inimizdiń ashy aiqaiy, muń-zary áli kúnge deiin kóz aldymyzda, júregimizden keter emes. Biz óz tarapymyzdan usynystarymyzdy berip, sol inimizdi tar qapastan shyǵarý úshin jumys istep jatyrmyz», - dedi komissiia múshesi.
