قاڭتار وقيعاسىندا ۇستالعان ازاماتتاردىڭ اراسىندا جازىقسىزدار ەلٸ دە بار. بۇل تۋرالى «امانات» كوميسسيياسىنىڭ مٷشەسٸ ۋايس ەرسايىنۇلى مەلٸم ەتتٸ, دەپ حابارلايدى قازاقپارات.
«قاڭتار وقيعاسىنا قانشاما باۋىرىمىز زارداپ شەكتٸ. ولاردىڭ اراسىندا جازىقسىزدارى, كٸنەسٸزدەرٸ بار. سوندىقتان وسى جايتقا بەي-جاي قاراماي, ناقاقتان-ناقاق قاماۋعا تٷسكەن باۋىرلارىمىزدى بوساتۋ ٷشٸن كٶمەگٸمٸزدٸ تيگٸزەيٸك دەپ شەشٸم قابىلدادىق», - دەدٸ ۋايس ەرسايىنۇلى باق ٶكٸلدەرٸنە ارنالعان بريفينگ بارىسىندا.
ونىڭ اتاپ ٶتۋٸنشە, قازٸرگٸ ۋاقىتتا تەرگەۋ يزولياتورلارىندا كٸنەسٸز ادامدار وتىرۋى مٷمكٸن. سوندىقتان كوميسسييا جۇمىسىن جاڭا دەڭگەيدە جالعاستىرۋ قاجەت.
«تالدىقورعان قالاسىندا اتا-اناسىنىڭ قامقورلىعىنسىز قالعان ارىستانبەك دەگەن باۋىرىمىزدىڭ بوستاندىققا شىعۋىنا كٶمەك كٶرسەتتٸك. ەت-جاقىن تۋىسىنان 75 جاستاعى اتاسى عانا بار ەكەن. مۇنداي مىسالدار ٶتە كٶپ. 18 جاسقا تولعانىنا 2 كٷن بولعان كەزدە الاڭعا شىققان ٸنٸمٸزدٸڭ اششى ايقايى, مۇڭ-زارى ەلٸ كٷنگە دەيٸن كٶز الدىمىزدا, جٷرەگٸمٸزدەن كەتەر ەمەس. بٸز ٶز تاراپىمىزدان ۇسىنىستارىمىزدى بەرٸپ, سول ٸنٸمٸزدٸ تار قاپاستان شىعارۋ ٷشٸن جۇمىس ٸستەپ جاتىرمىز», - دەدٸ كوميسسييا مٷشەسٸ.
