"Qazaqstan halqyna" qoǵamdyq qory IIM, Ulttyq qaýipsizdik komiteti qyzmetshileri jáne Qorǵanys ministrligi men Respýblikalyq ulannyń áskeri qyzmetshilerine qaza tapqan 19 jáne aýyr jaraqat alǵan 106 qyzmetkerdiń otbasy múshelerine kómek retinde materialdyq tólemderdi bastady, - dep habarlaidy Tengrinews.kz tilshisi qor saityna silteme jasap.
Tólemder memlekettik organdardan alynǵan resmi tizimder negizinde júzege asyrylady. Bul sanattaǵy jábirlenýshilerge arnalǵan tólemniń jalpy somasy - 451 million teńge.
Eske salaiyq, buǵan deiin Qamqorshylyq keńes Qor basqarmasyna qaza tapqan jáne aýyr jaralanǵan áskeri qyzmetkerlerdiń otbasylaryna, ishki ister jáne ulttyq qaýipsizdik organdary qyzmetkerlerine belgilengen somalardy tóleýdi tapsyrǵan bolatyn. Sondai-aq, keńeske adam quqyqtary jáne bala quqyqtary jónindegi ýákilderdiń qorǵa usynǵan tizimderinen kezdeisoq zardap shekken azamattardyń óliminiń mán-jaiyn quzyrly organdarmen birlesip pysyqtaý tapsyryldy.
Qor ýákiletti memlekettik organdardan tiisti resmi málimetter alǵannan keiin osy sanattaǵy qaza bolǵandardyń týystaryna tólemderdi júrgizýdi bastaidy.
