Qańtar oqiǵasynan keiin zańdy mainerlerdiń «kóleńkege» ketkeni shyn ba? Ortalyq kommýnikatsiialar qyzmetinde ótken brifingide QR Energetika ministri Bolat Aqsholaqovqa osyndai suraq qoiyldy, dep habarlaidy QazAqparat.
«Men zańdy jáne zańsyz mainnerlerdiń naqty sanyn sizderge aita almaimyn. Óitkeni bul Tsifrlyq damý, innovatsiialar jáne aeroǵarysh ónerkásibi ministrligindegi áriptesterimizdiń quzyryndaǵy sharýa. Men sizderge tek mainerlerdiń elektr tutyný deńgeii týraly ǵana aita alamyn. Ázirge men mainerlerdiń biri ótinimin qaityp alǵanyn baiqaǵan joqpyn. Qazir tutynyp otyrǵan 680 MVt qýattan bas tartqandar bolǵan joq», - dedi Bolat Aqsholaqov.
Sondai-aq, ol mainerlerdiń «1 kVT elektr qýaty úshin 1 teńge ǵana tarif tóleitini» týraly málimetti joqqa shyǵardy.
«Zańdy mainerlerdiń «kóleńkege» ketip jatqany jáne basqa áreketteri týraly málimet joq mende. Ol týraly tiisti vedomstovdan suraǵandaryńyz jón... Mainerlerdiń 1 kVT elektr qýaty úshin 1 teńge salyq tóleitinin, elektr tarifimen shatastyrmaý kerek. Bul jerde elektr tarifi emes, mainerlerdiń salyǵy osyndai mólsherde», - dedi Energetika ministri.
