Aqtóbe qalasynda politseilerdi kólikpen soqqan er adam ustaldy. Bul týraly bas prokýratýranyń 1-shi qyzmet bastyǵynyń orynbasary Eldos Qilymjanov málimdedi, dep habarlaidy Sputnik Qazaqstan.
"Aqtóbe qalasynda uialy telefon beinejazbasynyń arqasynda azamat I. aǵymdaǵy jyldyń 5-shi qańtarynda "VAZ 21014" avtokóligin basqaryp, oblys ákimdiginiń aldynda politseilerdiń qorshaýyn úlken jyldamdyqpen soqqany anyqtaldy. Sol kezde 4 politsiia qyzmetkeri dene jaraqattarymen aýrýhanaǵa jatqyzyldy", - dedi Qilymjanov ortalyq kommýnikatsiialar qyzmetinde ótken onlain brifingte.
Qazirgi kezde politsiia qyzmetkerlerin soqqan er adam qamaýǵa alyndy.
Budan bólek, Almatydaǵy oqiǵalar kezinde politseilerdiń taiaqpen urǵan eki er adam ustaldy. Olar da qamaýda otyr.
Al "Alpamys" ańshylyq dúkenin tonaǵandarǵa qatysty sot úkimi shyǵaryldy.
"Almaty qalasy Almaly aýdandyq sotynyń úkimimen B. Ontai jáne Ó.Jeńishan "Alpamys" ańshylyq dúkeninen qarýlardy urlaǵany úshin kináli dep tanyldy. Sot atalǵan adamdarǵa 5 jyl merzimge bas bostandyǵynan aiyrý jazasyn taǵaiyndady", - dep atap kórsetti Qilymjanov.
