Quqyq qorǵaý qyzmetkerlerine qatysty qylmystyq quramnyń bolmaýyna bailanysty 7 is toqtatyldy. Bul týraly Májilistiń jalpy otyrysynda qańtar oqiǵasyna qatysty máselelerdi qaraý kezinde Sybailas jemqorlyqqa qarsy is-qimyl agenttiginiń tóraǵasy Oljas Bektenov málim etti, dep habarlaidy QazAqparat.
«Sonymen qatar arnaiy prokýrorlarǵa adamnyń qaitys bolý faktisimen tirkelgen 8 qylmystyq is berildi. Sybailas jemqorlyqqa qarsy qyzmet quqyq qorǵaý organdary qyzmetkerleriniń zańǵa qarsy áreketteri týraly kýálandyratyn obektivti derekter anyqtalmaǵandyqtan, is-árekette qylmys quramynyń bolmaýyna bailanysty 7 qylmystyq isti toqtatty», - dedi Bektenov.
Osy oraida ol agenttik qylmystyq isterdi tergeý kezinde Azaptaýlardy tergeý jónindegi Ystanbul hattamasynyń talaptaryn qatań ustanatynyn atap ótti.
«Bizdiń basty maqsatymyz – oqiǵalardyń búkil hronologiiasyn anyqtaý jáne árbir ótinish boiynsha obektivti quqyqtyq baǵa berý. Tártipsizdikter jappai bolǵandyqtan, buǵan biraz ýaqyt qajet. Barlyq qylmystyq ister boiynsha tergeý jospary qurastyrylyp, onda tergeý-jedel is-sharalary kesheni qamtyldy», - dedi agenttik basshysy.
