قۇقىق قورعاۋ قىزمەتكەرلەرٸنە قاتىستى قىلمىستىق قۇرامنىڭ بولماۋىنا بايلانىستى 7 ٸس توقتاتىلدى. بۇل تۋرالى مەجٸلٸستٸڭ جالپى وتىرىسىندا قاڭتار وقيعاسىنا قاتىستى مەسەلەلەردٸ قاراۋ كەزٸندە سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى ولجاس بەكتەنوۆ مەلٸم ەتتٸ, دەپ حابارلايدى قازاقپارات.
«سونىمەن قاتار ارنايى پروكۋرورلارعا ادامنىڭ قايتىس بولۋ فاكتٸسٸمەن تٸركەلگەن 8 قىلمىستىق ٸس بەرٸلدٸ. سىبايلاس جەمقورلىققا قارسى قىزمەت قۇقىق قورعاۋ ورگاندارى قىزمەتكەرلەرٸنٸڭ زاڭعا قارسى ەرەكەتتەرٸ تۋرالى كۋەلاندىراتىن وبەكتيۆتٸ دەرەكتەر انىقتالماعاندىقتان, ٸس-ەرەكەتتە قىلمىس قۇرامىنىڭ بولماۋىنا بايلانىستى 7 قىلمىستىق ٸستٸ توقتاتتى», - دەدٸ بەكتەنوۆ.
وسى ورايدا ول اگەنتتٸك قىلمىستىق ٸستەردٸ تەرگەۋ كەزٸندە ازاپتاۋلاردى تەرگەۋ جٶنٸندەگٸ ىستانبۇل حاتتاماسىنىڭ تالاپتارىن قاتاڭ ۇستاناتىنىن اتاپ ٶتتٸ.
«بٸزدٸڭ باستى ماقساتىمىز – وقيعالاردىڭ بٷكٸل حرونولوگيياسىن انىقتاۋ جەنە ەربٸر ٶتٸنٸش بويىنشا وبەكتيۆتٸ قۇقىقتىق باعا بەرۋ. تەرتٸپسٸزدٸكتەر جاپپاي بولعاندىقتان, بۇعان بٸراز ۋاقىت قاجەت. بارلىق قىلمىستىق ٸستەر بويىنشا تەرگەۋ جوسپارى قۇراستىرىلىپ, وندا تەرگەۋ-جەدەل ٸس-شارالارى كەشەنٸ قامتىلدى», - دەدٸ اگەنتتٸك باسشىسى.
