Almaty ákimdigi qańtar oqiǵasy kezinde qiraǵan avtokólik ielerine 567 million teńge tóledi, - dep habarlaidy "Ult aqparat" shahar basshysynyń baspasóz qyzmetine silteme jasap.
Ákimdik málimetinshe, Almaty qalasy aýdandarynyń ákimdikterine avtokólik ielerinen keltirilgen zalaldy óteý týraly 143 ótinim túsken. Jeke tulǵalarǵa keltirilgen zalaldy óteý tetigine sáikes, jalpy somasy 566,7 million teńgege 143 ótinimge qoldaý kórsetilgen.
"Ótinishterdi aýdan ákimdikteri túsken kúnnen bastap 1 ai ishinde qaraidy. Múlikke keltirilgen zalaldy baǵalaý ótinish tirkelgen kúnnen bastap 7 kún merzimde belgilenedi jáne ony zardap shekkender tańdaǵan táýelsiz sarapshylar júrgizedi. Shyǵyn boiynsha baǵalaýdy júrgizý memlekettik organdar atynan aýdan ákimdikterine júkteldi", - delingen ákimdik habarlamasynda.
Eske salaiyq, buǵan deiin aiyppul turaǵy ákimshiligi ókilderi qańtarda Almaty kóshelerinde atylǵan kólikterdiń jaǵdaiyn aitqany habarlanǵan bolatyn. Qańtardaǵy oqiǵa kezinde búlingen kólikter áli kúnge deiin arnaiy avtoturaqta tur. Sodan beri 9 aiǵa jýyq ýaqyt ótti.
