الماتى ەكٸمدٸگٸ قاڭتار وقيعاسى كەزٸندە قيراعان اۆتوكٶلٸك يەلەرٸنە 567 ميلليون تەڭگە تٶلەدٸ, - دەپ حابارلايدى "ۇلت اقپارات" شاھار باسشىسىنىڭ باسپاسٶز قىزمەتٸنە سٸلتەمە جاساپ.
ەكٸمدٸك مەلٸمەتٸنشە, الماتى قالاسى اۋداندارىنىڭ ەكٸمدٸكتەرٸنە اۆتوكٶلٸك يەلەرٸنەن كەلتٸرٸلگەن زالالدى ٶتەۋ تۋرالى 143 ٶتٸنٸم تٷسكەن. جەكە تۇلعالارعا كەلتٸرٸلگەن زالالدى ٶتەۋ تەتٸگٸنە سەيكەس, جالپى سوماسى 566,7 ميلليون تەڭگەگە 143 ٶتٸنٸمگە قولداۋ كٶرسەتٸلگەن.
"ٶتٸنٸشتەردٸ اۋدان ەكٸمدٸكتەرٸ تٷسكەن كٷننەن باستاپ 1 اي ٸشٸندە قارايدى. مٷلٸككە كەلتٸرٸلگەن زالالدى باعالاۋ ٶتٸنٸش تٸركەلگەن كٷننەن باستاپ 7 كٷن مەرزٸمدە بەلگٸلەنەدٸ جەنە ونى زارداپ شەككەندەر تاڭداعان تەۋەلسٸز ساراپشىلار جٷرگٸزەدٸ. شىعىن بويىنشا باعالاۋدى جٷرگٸزۋ مەملەكەتتٸك ورگاندار اتىنان اۋدان ەكٸمدٸكتەرٸنە جٷكتەلدٸ", - دەلٸنگەن ەكٸمدٸك حابارلاماسىندا.
ەسكە سالايىق, بۇعان دەيٸن ايىپپۇل تۇراعى ەكٸمشٸلٸگٸ ٶكٸلدەرٸ قاڭتاردا الماتى كٶشەلەرٸندە اتىلعان كٶلٸكتەردٸڭ جاعدايىن ايتقانى حابارلانعان بولاتىن. قاڭتارداعى وقيعا كەزٸندە بٷلٸنگەن كٶلٸكتەر ەلٸ كٷنگە دەيٸن ارنايى اۆتوتۇراقتا تۇر. سودان بەرٸ 9 ايعا جۋىق ۋاقىت ٶتتٸ.
