Ulttyq ekonomika ministrligi Prezidenttiń bastamalaryn iske asyrý jónindegi Úkimettiń 2022 jylǵa arnalǵan is-qimyl baǵdarlamasyn ázirleý boiynsha belsendi jumys júrgizip jatyr. Bul týraly atalǵan vedomstvonyń baspasóz qyzmeti málim etti.
Búgin Premer-Ministrdiń orynbasary – Syrtqy ister ministri Muhtar Tileýberdiniń shet memleketterdiń Qazaqstandaǵy elshilerimen kezdesýi barysynda Ulttyq ekonomika birinshi vitse-ministri Timýr Jaqsylyqov Qazaqstandaǵy qańtardaǵy qaiǵyly oqiǵa aiasyndaǵy ekonomikalyq jaǵdai men elimizdegi sońǵy ekonomikalyq bastamalar týraly baiandady.
«Ótken jyly ekonomikalyq ósý serpindi traektoriiaǵa shyqty. Bastapqy 3,1% boljamnan asyp túsken naqty IJÓ 4%», - dedi Jaqsylyqov.
Qazirgi ýaqytta Ulttyq ekonomika ministrligi Prezidenttiń bastamalaryn iske asyrý jónindegi Úkimettiń 2022 jylǵa arnalǵan is-qimyl baǵdarlamasyn ázirleý boiynsha belsendi jumys júrgizýde. Qujatta Úkimettiń inkliýzivtik ekonomikalyq ósýdi yntalandyrý, makroekonomikalyq turaqtylyqty qamtamasyz etý, kásipkerlikti damytý jumysy naqtylanǵan.
Sonymen qatar, birinshi vitse-ministrdiń aitýynsha, QR UEM Halyqtyń tabysyn arttyrý baǵdarlamasyn ázirleýde. Osy rette kedeishilik pen jumyssyzdyq boiynsha naqty jaǵdaidy taldaý negizinde júieli sharalar josparlanǵan.
Budan basqa, Prezident tapsyrmasyna sáikes, Ministrlik kvazimemlekettik sala sýbektilerin túbegeili reformalaý usynystaryn ázirleýde.
Jaqsylyqov atap ótkendei, Ulttyq ekonomika ministrligi elimizdegi áleýmettik-ekonomikalyq jaǵdaidy turaqtandyrýdyń jedel is-sharalar josparyn qabyldaǵan. Ol azamattar men kásipkerlerdiń qaýipsizdigin, olardy jan-jaqty qoldaýdy, sondai-aq áleýmettik-ekonomikalyq jaǵdaidy tezirek ornyqtyrýdy kózdeitin birqatar shuǵyl jáne qysqamerzimdik sharalardan turady. «Bul jospar memlekettik organdardyń taiaý ailardaǵy tiisti tapsyrmalardy oryndaýyn úilestirmek. Ony iske asyrý arqyly eldegi ekonomikalyq jaǵdaidy jedel qalypqa keltirip, qalypty jaǵdaiǵa oralamyz», - dedi birinshi vitse-ministr.
«Qańtardaǵy qaiǵyly oqiǵalar jyldyq ekonomikalyq ósýge aitarlyqtai áser etpeidi. Óitkeni ekonomikalyq belsendilik ýaqytsha jáne tek jekelegen óńirde ǵana buzyldy. Zardap shekkenderge, onyń ishinde ShOB, JK jáne halyqqa qajetti kómek kórsetilip jatyr», - dedi Timýr Jaqsylyqov.
