Qańtar oqiǵasy boiynsha qansha quqyq qorǵaý organynyń ókili qyzmetten shettetildi? Depýtat Berik Dúisenbinov Májilistiń jalpy otyrysynda Bas prokýratýra men Ishki ister ministrliginiń basshylaryna osyndai saýal qoidy, dep habarlaidy QazAqparat.
«Qańtar oqiǵasynan keiin adam azaptaý men ókilettigin asyra paidalaný faktileri boiynsha 243 qylmystyq is tergelip jatyr dep Adam quqyqtary jónindegi ýákil aqparat berdi. Osy 243 qylmystyq is boiynsha qansha laýazymdy adam jumystan shettetildi?», - dep surady depýtat.
«243 is tergelip jatyr. Onyń ishinde eń kúrdeli 9 isti Bas prokýratýraǵa aldyq. 9 adam qamaýǵa alyndy. Onyń ishinde 8-i Ulttyq qaýipsizdik organynyń, 1 adam politsiia qyzmetkeri. Bul istiń bári áli sotqa joldanǵan joq. Áli sheshim qabyldanǵan joq», - dedi Bas prokýror Berik Asylov.
Ishki Ister ministri Marat Ahmetjanov ta qosymsha aqparat berdi.
«Bizdiń bir qyzmetker qazir qamaýda. Ol Almaty oblysynyń qyzmetkeri. Sol jerde departamenttiń bastyǵy, búkil orynbasarlary jumystan bosatylǵan. Qalǵandaryna tergeý nátijesi boiynsha qorytyndy sharalar qoldanylady», - dedi ministr.
