قاڭتار وقيعاسى بويىنشا قانشا قۇقىق قورعاۋ ورگانىنىڭ ٶكٸلٸ قىزمەتتەن شەتتەتٸلدٸ? دەپۋتات بەرٸك دٷيسەنبينوۆ مەجٸلٸستٸڭ جالپى وتىرىسىندا باس پروكۋراتۋرا مەن ٸشكٸ ٸستەر مينيسترلٸگٸنٸڭ باسشىلارىنا وسىنداي ساۋال قويدى, دەپ حابارلايدى قازاقپارات.
«قاڭتار وقيعاسىنان كەيٸن ادام ازاپتاۋ مەن ٶكٸلەتتٸگٸن اسىرا پايدالانۋ فاكتٸلەرٸ بويىنشا 243 قىلمىستىق ٸس تەرگەلٸپ جاتىر دەپ ادام قۇقىقتارى جٶنٸندەگٸ ۋەكٸل اقپارات بەردٸ. وسى 243 قىلمىستىق ٸس بويىنشا قانشا لاۋازىمدى ادام جۇمىستان شەتتەتٸلدٸ?», - دەپ سۇرادى دەپۋتات.
«243 ٸس تەرگەلٸپ جاتىر. ونىڭ ٸشٸندە ەڭ كٷردەلٸ 9 ٸستٸ باس پروكۋراتۋراعا الدىق. 9 ادام قاماۋعا الىندى. ونىڭ ٸشٸندە 8-ٸ ۇلتتىق قاۋٸپسٸزدٸك ورگانىنىڭ, 1 ادام پوليتسييا قىزمەتكەرٸ. بۇل ٸستٸڭ بەرٸ ەلٸ سوتقا جولدانعان جوق. ەلٸ شەشٸم قابىلدانعان جوق», - دەدٸ باس پروكۋرور بەرٸك اسىلوۆ.
ٸشكٸ ٸستەر مينيسترٸ مارات احمەتجانوۆ تا قوسىمشا اقپارات بەردٸ.
«بٸزدٸڭ بٸر قىزمەتكەر قازٸر قاماۋدا. ول الماتى وبلىسىنىڭ قىزمەتكەرٸ. سول جەردە دەپارتامەنتتٸڭ باستىعى, بٷكٸل ورىنباسارلارى جۇمىستان بوساتىلعان. قالعاندارىنا تەرگەۋ نەتيجەسٸ بويىنشا قورىتىندى شارالار قولدانىلادى», - دەدٸ مينيستر.
