Qazaqstandaǵy adam quqyqtary jónindegi ýákil Elvira Ázimova qańtar oqiǵasyna bailanysty qamaýda otyrǵan tarazdyq kámeletke tolmaǵan kúdiktiniń nege bosatylmai jatqanyn aitty, dep habarlaidy QazAqparat.
«Ókinishke qarai, Almaty qalasy men oblysynda, Jambyl oblysynda ustalǵandardyń arasynda 16-17 jastaǵy kámeletke tolmaǵan azamattar da boldy. Olarǵa taǵylyp otyrǵan aiyptar aitarlyqtai aýyr. Jappai tártipsizdikke, ǵimarattardy basyp alý jáne qarý tonaýǵa qatysý boiynsha aiyptalyp otyr», - dedi Adam quqyqtary jónindegi ýákil.
Onyń aitýynsha, Qazaqstan – Balanyń quqyqtary týraly konventsiianyń múshesi. Al ol konvetsiia boiynsha, kámeletke tolmaǵandar qylmys jasaǵan kúnniń ózinde shetin jaǵdailarda ǵana jáne qysqa ýaqytqa qamaýǵa alynýy múmkin.
«Mundaǵy kámeletke tolmaǵandardyń bári qylmystyq qýdalaý orbitasyna birinshi ret túsip tur. Ata-analardyń kepilgerligi arqyly balalardyń bári keiin bosatyldy. Tek Taraz qalasyndaǵy bir bala ǵana bosatylǵan joq. Onyń ústinen ázirge prokýror tekserý júrgizgen joq», - dedi Elvira Ázimova.
