قازاقستانداعى ادام قۇقىقتارى جٶنٸندەگٸ ۋەكٸل ەلۆيرا ەزٸموۆا قاڭتار وقيعاسىنا بايلانىستى قاماۋدا وتىرعان تارازدىق كەمەلەتكە تولماعان كٷدٸكتٸنٸڭ نەگە بوساتىلماي جاتقانىن ايتتى, دەپ حابارلايدى قازاقپارات.
«ٶكٸنٸشكە قاراي, الماتى قالاسى مەن وبلىسىندا, جامبىل وبلىسىندا ۇستالعانداردىڭ اراسىندا 16-17 جاستاعى كەمەلەتكە تولماعان ازاماتتار دا بولدى. ولارعا تاعىلىپ وتىرعان ايىپتار ايتارلىقتاي اۋىر. جاپپاي تەرتٸپسٸزدٸككە, عيماراتتاردى باسىپ الۋ جەنە قارۋ توناۋعا قاتىسۋ بويىنشا ايىپتالىپ وتىر», - دەدٸ ادام قۇقىقتارى جٶنٸندەگٸ ۋەكٸل.
ونىڭ ايتۋىنشا, قازاقستان – بالانىڭ قۇقىقتارى تۋرالى كونۆەنتسييانىڭ مٷشەسٸ. ال ول كونۆەتسييا بويىنشا, كەمەلەتكە تولماعاندار قىلمىس جاساعان كٷننٸڭ ٶزٸندە شەتٸن جاعدايلاردا عانا جەنە قىسقا ۋاقىتقا قاماۋعا الىنۋى مٷمكٸن.
«مۇنداعى كەمەلەتكە تولماعانداردىڭ بەرٸ قىلمىستىق قۋدالاۋ وربيتاسىنا بٸرٸنشٸ رەت تٷسٸپ تۇر. اتا-انالاردىڭ كەپٸلگەرلٸگٸ ارقىلى بالالاردىڭ بەرٸ كەيٸن بوساتىلدى. تەك تاراز قالاسىنداعى بٸر بالا عانا بوساتىلعان جوق. ونىڭ ٷستٸنەن ەزٸرگە پروكۋرور تەكسەرۋ جٷرگٸزگەن جوق», - دەدٸ ەلۆيرا ەزٸموۆا.
