Qaraǵandy oblystyq máslihatynyń depýtaty, «Nur Otan» partiiasy saiasi Keńesiniń múshesi, QHA múshesi, Qaraǵandy oblystyq Qoǵamdyq Kelisim Keńesiniń tóraǵasy Bekzat Altynbekov Memleket basshysynyń alǵa qoiǵan maqsattary men Prezidenttiń tapsyrmalaryn oryndaý maqsatynda Úkimettiń qabyldaǵan sharalary jaily pikirin bildirdi, dep habarlaidy QazAqparat tilshisi.
Memleket basshysy Qasym-Jomart Toqaevtyń ózi «Qańtar qasireti» ataǵan oqys oqiǵa qoǵamdaǵy qordalanǵan máselelerdiń basyn ashyp, halyq pen biliktiń arasyn jaqyndatýǵa septigin tigizdi. Alǵashynda qarapaiym halyqtyń gaz baǵasyna narazylyǵynan bastalǵan beibit sherý sońǵy sátterde saiasi sipat alyp, arandatýshy kúshterdiń yqpalymen ýshyqqanyn da jasyra almaimyz. Prezidenttiń der ýaqytynda qabyldaǵan batyl sheshimderiniń arqasynda ekstermistik toptardyń joly kesilip, memlekettigimizdi, Táýelsizdigimizdi saqtap qaldyq.
«11 qańtar kúni QR Parlamentiniń otyrysynda sóilegen sózinde turaqtylyǵymyzdy júieli túrde teńseltip kelgen jat piǵyldaǵy arandatýshy toptardyń áreketin ótkir synaǵan Qasym-Jomart Kemeluly «tóńkeris táýekeline» sebep bolǵan ishki-syrtqy máselelerdi jipke tizip, onyń sheshý baǵyttary boiynsha jańa quramdaǵy Úkimetke naqty tapsyrmalar júktedi. Barlyǵy – kópten beri el kókeiinde júrgen ózekti máseleler», -deidi Bekzat Qomaruly.
Qaraǵandy oblystyq Qoǵamdyq Kelisim Keńesi tóraǵasynyń aitýynsha, Prezidenttiń memlekettik qaýipsizdik máselesine qatysty oilary da el kóńilinen shyqty.
«Ekonomikalyq blokqa qatysty Qazaqstan múmkindikteriniń sheksiz ekendigin, solai bola tura, shikizat pen importqa táýeldilikten aryla almai otyrǵan ulttyq ekonomikamyzdy ótkir synaǵan Prezident óńdeý salasyn óristetý, sol arqyly azamattar tabysyn eseleý kerektigin qadap aitty. Ásirese, ýtilizatsiialyq alym mólsherin qaita qaraý jónindegi tapsyrmasy qarapaiym halyqtyń resmi bilikke degen senimin oiatty. «Samuryq-Qazyna» qory men Qytai shekarasyndaǵy «Qorǵas» kedendik beketine qatysty bastamalary, áleýmettik mańyzy bar taýarlar baǵasyna memlekettik baqylaý jasaý mindetteri dál Prezident aitqandai oń sheshimin taýyp, ońtailanyp jatsa árine, halyq riza bolar edi», - dep qosty Bekzat Altynbekov.
Jańadan jasaqtalǵan Úkimet quramynyń da birden naqty isterge jumylyp, Memleket basshysynyń tapsyrmalaryn oryndaýǵa bilek sybana kirisip ketkeni de kóńil qýantady.
«Men – qarapaiym halyqtyń ortasynda jii bolatyn oblystyq máslihattyń depýtatymyn. Sońǵy eki-úsh kúnde eldiń Prezidentke degen sheksiz yqylasy men rizashylyǵyna kýá bolyp júrmin. El – riza. Halyq Prezidentke senedi, qoldaidy!
Biz úshin eń mańyzdysy – Táýelsizdik pen turaqtylyq. Qańtar oqiǵasy ári sabaq, ári serpilis boldy. Ókinishi de bar, árine. Qanshama sarbazdarymyz ben quqyq qorǵaý organdarynyń qyzmetkerleri qaza tapty. Beibit halyq ta, kásipkerler de zardap shekti. Munyń barlyǵy búliktiń saldary. Alaida, búlikshiler qolynan qaza tapqandar men zardap shekkenderdiń barlyǵyna memleket tarapynan qoldaý bolatynyn basa aitqan Qasym-Jomart Toqaevtyń parasatyna el senim artyp otyr.
Ozbyrlyq piǵylymen memlekettik tóńkeris jasaýǵa umtylǵan búlkishiler tolyq qatań jazalanatynyna da senemiz. Jańa Qazaqstandy Prezidentpen birge quramyz!», - dedi Bekzat Qomaruly.
