قاراعاندى وبلىستىق مەسليحاتىنىڭ دەپۋتاتى, «نۇر وتان» پارتيياسى ساياسي كەڭەسٸنٸڭ مٷشەسٸ, قحا مٷشەسٸ, قاراعاندى وبلىستىق قوعامدىق كەلٸسٸم كەڭەسٸنٸڭ تٶراعاسى بەكزات التىنبەكوۆ مەملەكەت باسشىسىنىڭ العا قويعان ماقساتتارى مەن پرەزيدەنتتٸڭ تاپسىرمالارىن ورىنداۋ ماقساتىندا ٷكٸمەتتٸڭ قابىلداعان شارالارى جايلى پٸكٸرٸن بٸلدٸردٸ, دەپ حابارلايدى قازاقپارات تٸلشٸسٸ.
مەملەكەت باسشىسى قاسىم-جومارت توقاەۆتىڭ ٶزٸ «قاڭتار قاسٸرەتٸ» اتاعان وقىس وقيعا قوعامداعى قوردالانعان مەسەلەلەردٸڭ باسىن اشىپ, حالىق پەن بيلٸكتٸڭ اراسىن جاقىنداتۋعا سەپتٸگٸن تيگٸزدٸ. العاشىندا قاراپايىم حالىقتىڭ گاز باعاسىنا نارازىلىعىنان باستالعان بەيبٸت شەرۋ سوڭعى سەتتەردە ساياسي سيپات الىپ, ارانداتۋشى كٷشتەردٸڭ ىقپالىمەن ۋشىققانىن دا جاسىرا المايمىز. پرەزيدەنتتٸڭ دەر ۋاقىتىندا قابىلداعان باتىل شەشٸمدەرٸنٸڭ ارقاسىندا ەكستەرميستٸك توپتاردىڭ جولى كەسٸلٸپ, مەملەكەتتٸگٸمٸزدٸ, تەۋەلسٸزدٸگٸمٸزدٸ ساقتاپ قالدىق.
«11 قاڭتار كٷنٸ قر پارلامەنتٸنٸڭ وتىرىسىندا سٶيلەگەن سٶزٸندە تۇراقتىلىعىمىزدى جٷيەلٸ تٷردە تەڭسەلتٸپ كەلگەن جات پيعىلداعى ارانداتۋشى توپتاردىڭ ەرەكەتٸن ٶتكٸر سىناعان قاسىم-جومارت كەمەلۇلى «تٶڭكەرٸس تەۋەكەلٸنە» سەبەپ بولعان ٸشكٸ-سىرتقى مەسەلەلەردٸ جٸپكە تٸزٸپ, ونىڭ شەشۋ باعىتتارى بويىنشا جاڭا قۇرامداعى ٷكٸمەتكە ناقتى تاپسىرمالار جٷكتەدٸ. بارلىعى – كٶپتەن بەرٸ ەل كٶكەيٸندە جٷرگەن ٶزەكتٸ مەسەلەلەر», -دەيدٸ بەكزات قومارۇلى.
قاراعاندى وبلىستىق قوعامدىق كەلٸسٸم كەڭەسٸ تٶراعاسىنىڭ ايتۋىنشا, پرەزيدەنتتٸڭ مەملەكەتتٸك قاۋٸپسٸزدٸك مەسەلەسٸنە قاتىستى ويلارى دا ەل كٶڭٸلٸنەن شىقتى.
«ەكونوميكالىق بلوكقا قاتىستى قازاقستان مٷمكٸندٸكتەرٸنٸڭ شەكسٸز ەكەندٸگٸن, سولاي بولا تۇرا, شيكٸزات پەن يمپورتقا تەۋەلدٸلٸكتەن ارىلا الماي وتىرعان ۇلتتىق ەكونوميكامىزدى ٶتكٸر سىناعان پرەزيدەنت ٶڭدەۋ سالاسىن ٶرٸستەتۋ, سول ارقىلى ازاماتتار تابىسىن ەسەلەۋ كەرەكتٸگٸن قاداپ ايتتى. ەسٸرەسە, ۋتيليزاتسييالىق الىم مٶلشەرٸن قايتا قاراۋ جٶنٸندەگٸ تاپسىرماسى قاراپايىم حالىقتىڭ رەسمي بيلٸككە دەگەن سەنٸمٸن وياتتى. «سامۇرىق-قازىنا» قورى مەن قىتاي شەكاراسىنداعى «قورعاس» كەدەندٸك بەكەتٸنە قاتىستى باستامالارى, ەلەۋمەتتٸك ماڭىزى بار تاۋارلار باعاسىنا مەملەكەتتٸك باقىلاۋ جاساۋ مٸندەتتەرٸ دەل پرەزيدەنت ايتقانداي وڭ شەشٸمٸن تاۋىپ, وڭتايلانىپ جاتسا ەرينە, حالىق ريزا بولار ەدٸ», - دەپ قوستى بەكزات التىنبەكوۆ.
جاڭادان جاساقتالعان ٷكٸمەت قۇرامىنىڭ دا بٸردەن ناقتى ٸستەرگە جۇمىلىپ, مەملەكەت باسشىسىنىڭ تاپسىرمالارىن ورىنداۋعا بٸلەك سىبانا كٸرٸسٸپ كەتكەنٸ دە كٶڭٸل قۋانتادى.
«مەن – قاراپايىم حالىقتىڭ ورتاسىندا جيٸ بولاتىن وبلىستىق مەسليحاتتىڭ دەپۋتاتىمىن. سوڭعى ەكٸ-ٷش كٷندە ەلدٸڭ پرەزيدەنتكە دەگەن شەكسٸز ىقىلاسى مەن ريزاشىلىعىنا كۋە بولىپ جٷرمٸن. ەل – ريزا. حالىق پرەزيدەنتكە سەنەدٸ, قولدايدى!
بٸز ٷشٸن ەڭ ماڭىزدىسى – تەۋەلسٸزدٸك پەن تۇراقتىلىق. قاڭتار وقيعاسى ەرٸ ساباق, ەرٸ سەرپٸلٸس بولدى. ٶكٸنٸشٸ دە بار, ەرينە. قانشاما ساربازدارىمىز بەن قۇقىق قورعاۋ ورگاندارىنىڭ قىزمەتكەرلەرٸ قازا تاپتى. بەيبٸت حالىق تا, كەسٸپكەرلەر دە زارداپ شەكتٸ. مۇنىڭ بارلىعى بٷلٸكتٸڭ سالدارى. الايدا, بٷلٸكشٸلەر قولىنان قازا تاپقاندار مەن زارداپ شەككەندەردٸڭ بارلىعىنا مەملەكەت تاراپىنان قولداۋ بولاتىنىن باسا ايتقان قاسىم-جومارت توقاەۆتىڭ پاراساتىنا ەل سەنٸم ارتىپ وتىر.
وزبىرلىق پيعىلىمەن مەملەكەتتٸك تٶڭكەرٸس جاساۋعا ۇمتىلعان بٷلكٸشٸلەر تولىق قاتاڭ جازالاناتىنىنا دا سەنەمٸز. جاڭا قازاقستاندى پرەزيدەنتپەن بٸرگە قۇرامىز!», - دەدٸ بەكزات قومارۇلى.
