Almatyda qańtar oqiǵasy kezinde urlanǵan qarýdyń kezekti partiiasy tárkilendi, dep habarlaidy QazAqparat.
QR IIM Kóliktegi politsiia departamentiniń bastyǵy Ońal Bekeevtiń málim etkenindei, jedel izdestirý is-sharalary barysynda kólik politseileri Almaty qalasynyń 21 jastaǵy turǵynyn anyqtap, ustady.
Atalǵan azamat qańtar oqiǵasynan keiin óziniń tanysymen birge Túrksib aýdanynda ornalasqan qaraýsyz qalǵan ǵimarattyń jertólesine eki atys qarýyn jasyrǵan.
«Tekserý barysynda kúdiktiniń buryn adam tonaǵany úshin qylmystyq jaýapkershilikke tartylǵany anyqtaldy. Atys qarýy tárkilendi. Sotqa deiingi tergeý aiasynda basqa da qatysy bar adamdardyń ornalasqan jerin anyqtaý maqsatynda barlyq qajetti is-sharalar júrgizilýde», dedi O.Bekeev.
Departamenttiń baspasóz qyzmetinen túsken málimetke qaraǵanda, kólik politseileri qańtar oqiǵasy kezinde qarý urlaýǵa qatysy bar 8 adamdy qolǵa túsirdi. Olardan barlyǵy 60 qarý tárkilendi.
