الماتىدا قاڭتار وقيعاسى كەزٸندە ۇرلانعان قارۋدىڭ كەزەكتٸ پارتيياسى تەركٸلەندٸ, دەپ حابارلايدى قازاقپارات.
قر ٸٸم كٶلٸكتەگٸ پوليتسييا دەپارتامەنتٸنٸڭ باستىعى وڭال بەكەەۆتٸڭ مەلٸم ەتكەنٸندەي, جەدەل ٸزدەستٸرۋ ٸس-شارالارى بارىسىندا كٶلٸك پوليتسەيلەرٸ الماتى قالاسىنىڭ 21 جاستاعى تۇرعىنىن انىقتاپ, ۇستادى.
اتالعان ازامات قاڭتار وقيعاسىنان كەيٸن ٶزٸنٸڭ تانىسىمەن بٸرگە تٷركسٸب اۋدانىندا ورنالاسقان قاراۋسىز قالعان عيماراتتىڭ جەرتٶلەسٸنە ەكٸ اتىس قارۋىن جاسىرعان.
«تەكسەرۋ بارىسىندا كٷدٸكتٸنٸڭ بۇرىن ادام توناعانى ٷشٸن قىلمىستىق جاۋاپكەرشٸلٸككە تارتىلعانى انىقتالدى. اتىس قارۋى تەركٸلەندٸ. سوتقا دەيٸنگٸ تەرگەۋ اياسىندا باسقا دا قاتىسى بار ادامداردىڭ ورنالاسقان جەرٸن انىقتاۋ ماقساتىندا بارلىق قاجەتتٸ ٸس-شارالار جٷرگٸزٸلۋدە», دەدٸ و.بەكەەۆ.
دەپارتامەنتتٸڭ باسپاسٶز قىزمەتٸنەن تٷسكەن مەلٸمەتكە قاراعاندا, كٶلٸك پوليتسەيلەرٸ قاڭتار وقيعاسى كەزٸندە قارۋ ۇرلاۋعا قاتىسى بار 8 ادامدى قولعا تٷسٸردٸ. ولاردان بارلىعى 60 قارۋ تەركٸلەندٸ.
