Búgin Premer-Ministrdiń orynbasary Eraly Toǵjanov qańtar oqiǵalary kezindegi faktilerdi tergeýmen ainalysatyn «Amanat» táýelsiz komissiiasynyń ókilderimen kezdesti, dep habarlaidy "Ult aqparat" Úkimet basshysynyń baspasóz qyzmetine silteme jasap.
Kezdesý kezinde quqyq qorǵaýshylar komissiia qyzmetiniń baǵyttary týraly áńgime qozǵady.
«Amanat» komissiiasynyń ókilderi qańtarda bolǵan oqiǵalardy tergeýdiń obektivtiligi men ashyqtyǵyn qamtamasyz etýdiń mańyzdylyǵyn atap ótip, memlekettik organdardyń jumysyn uiymdastyrý boiynsha birqatar usynys bildirdi.
Vitse-premer memlekettik organdarǵa qoǵamdyq komissiianyń árbir usynysyn muqiiat pysyqtap, máselelerdi zańnamada belgilengen tártippen sheshýdi, sondai-aq komissiia qyzmetine qajetti kómekti kórsetýdi tapsyrdy.
Aita keteiik, «Amanat» qoǵamdyq komissiiasy 2022 jyly qańtarda bolǵan oqiǵalarǵa bailanysty negizsiz qýdalanǵan azamattardyń quqyqtary men bostandyqtaryn qorǵaý úshin quryldy.
Negizgi maqsaty - beibit narazylyqtarǵa qatysqany úshin tergeýde bolǵan, biraq qylmystyq nieti bolmaǵan, sondai-aq qylmystarǵa qatysy joq adamdardy qylmystyq qýdalaýdan bosatý. Komissiia quramy segiz adamnan turady, onyń ishinde tórt kásibi zańger, bir Májilis depýtaty, Ulttyq qoǵamdyq senim keńesiniń bir múshesi bar jáne Bas prokýratýra men Ishki ister ministrliginen bir ókilden qosyldy.
