بٷگٸن پرەمەر-مينيستردٸڭ ورىنباسارى ەرالى توعجانوۆ قاڭتار وقيعالارى كەزٸندەگٸ فاكتٸلەردٸ تەرگەۋمەن اينالىساتىن «امانات» تەۋەلسٸز كوميسسيياسىنىڭ ٶكٸلدەرٸمەن كەزدەستٸ, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
كەزدەسۋ كەزٸندە قۇقىق قورعاۋشىلار كوميسسييا قىزمەتٸنٸڭ باعىتتارى تۋرالى ەڭگٸمە قوزعادى.
«امانات» كوميسسيياسىنىڭ ٶكٸلدەرٸ قاڭتاردا بولعان وقيعالاردى تەرگەۋدٸڭ وبەكتيۆتٸلٸگٸ مەن اشىقتىعىن قامتاماسىز ەتۋدٸڭ ماڭىزدىلىعىن اتاپ ٶتٸپ, مەملەكەتتٸك ورگانداردىڭ جۇمىسىن ۇيىمداستىرۋ بويىنشا بٸرقاتار ۇسىنىس بٸلدٸردٸ.
ۆيتسە-پرەمەر مەملەكەتتٸك ورگاندارعا قوعامدىق كوميسسييانىڭ ەربٸر ۇسىنىسىن مۇقييات پىسىقتاپ, مەسەلەلەردٸ زاڭنامادا بەلگٸلەنگەن تەرتٸپپەن شەشۋدٸ, سونداي-اق كوميسسييا قىزمەتٸنە قاجەتتٸ كٶمەكتٸ كٶرسەتۋدٸ تاپسىردى.
ايتا كەتەيٸك, «امانات» قوعامدىق كوميسسيياسى 2022 جىلى قاڭتاردا بولعان وقيعالارعا بايلانىستى نەگٸزسٸز قۋدالانعان ازاماتتاردىڭ قۇقىقتارى مەن بوستاندىقتارىن قورعاۋ ٷشٸن قۇرىلدى.
نەگٸزگٸ ماقساتى - بەيبٸت نارازىلىقتارعا قاتىسقانى ٷشٸن تەرگەۋدە بولعان, بٸراق قىلمىستىق نيەتٸ بولماعان, سونداي-اق قىلمىستارعا قاتىسى جوق ادامداردى قىلمىستىق قۋدالاۋدان بوساتۋ. كوميسسييا قۇرامى سەگٸز ادامنان تۇرادى, ونىڭ ٸشٸندە تٶرت كەسٸبي زاڭگەر, بٸر مەجٸلٸس دەپۋتاتى, ۇلتتىق قوعامدىق سەنٸم كەڭەسٸنٸڭ بٸر مٷشەسٸ بار جەنە باس پروكۋراتۋرا مەن ٸشكٸ ٸستەر مينيسترلٸگٸنەن بٸر ٶكٸلدەن قوسىلدى.
