Osy aptada kúzetpen ustaýdan 36 adam bosatyldy. Bul týraly QR IIM Tergeý departamentiniń bastyǵy Sanjar Ádilov aitty, dep habarlaidy QazAqparat.
«Ulttyq aldyn alý tetigi men qoǵamdyq baqylaý komissiialarynyń ókilderi barlyq arnaiy mekemelerge kedergisiz kirdi. Mekemelerdiń barlyq turǵyn, kommýnaldyq-turmystyq úi-jailary qoǵamdyq ókilderdiń qatysýymen komissiialyq tekseristen ótkizilýde. Tergeý izoliatorlaryna túsetin adamdar mindetti túrde meditsinalyq qaraýdan ótedi. Dene jaraqattary anyqtalǵan jaǵdaida beinetúsirilim jasalyp, jedel meditsinalyq kómek kórsetiledi. Ondai árbir fakti týraly prokýratýra organdaryna habarlanady. Mekeme jaǵdaiynda bilikti meditsinalyq kómek kórsetý múmkin bolmaǵanda olar azamattyq densaýlyq saqtaý mekemelerine jetkiziledi jáne arnaiy kúzetiletin palatalarda em qabyldaidy», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, barlyq tergeý áreketteri arnaiy jabdyqtalǵan beinebaqylaý kameralary ornatylǵan úi-jailarda júrgiziledi. Sondai-aq prokýratýra organdary zańdylyqtyń saqtalýyna únemi qadaǵalap otyrady.
«Jeke basy men qylmystyń aýyrlyǵyn eskere otyryp, ishki ister organdary bastamashylyǵymen 103 adam qamaýdan bosatyldy. Olarǵa qatysty qoǵamnan oqshaýlaýmen bailanysty emes bultartpaý sharalary qoldanyldy. Tek osy aptanyń basynan beri kúzetpen ustaýdan 36 adam bosatyldy. Buryn habarlanǵandai, osy negizder boiynsha ýaqytsha ustaý izoliatoryna kirgizbei 200-den astam kúdiktige qatysty bultartpaý sharalarynyń ózge túrleri qabyldandy», - dedi Sanjar Ádilov.
