وسى اپتادا كٷزەتپەن ۇستاۋدان 36 ادام بوساتىلدى. بۇل تۋرالى قر ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ ايتتى, دەپ حابارلايدى قازاقپارات.
«ۇلتتىق الدىن الۋ تەتٸگٸ مەن قوعامدىق باقىلاۋ كوميسسييالارىنىڭ ٶكٸلدەرٸ بارلىق ارنايى مەكەمەلەرگە كەدەرگٸسٸز كٸردٸ. مەكەمەلەردٸڭ بارلىق تۇرعىن, كوممۋنالدىق-تۇرمىستىق ٷي-جايلارى قوعامدىق ٶكٸلدەردٸڭ قاتىسۋىمەن كوميسسييالىق تەكسەرٸستەن ٶتكٸزٸلۋدە. تەرگەۋ يزولياتورلارىنا تٷسەتٸن ادامدار مٸندەتتٸ تٷردە مەديتسينالىق قاراۋدان ٶتەدٸ. دەنە جاراقاتتارى انىقتالعان جاعدايدا بەينەتٷسٸرٸلٸم جاسالىپ, جەدەل مەديتسينالىق كٶمەك كٶرسەتٸلەدٸ. ونداي ەربٸر فاكتٸ تۋرالى پروكۋراتۋرا ورگاندارىنا حابارلانادى. مەكەمە جاعدايىندا بٸلٸكتٸ مەديتسينالىق كٶمەك كٶرسەتۋ مٷمكٸن بولماعاندا ولار ازاماتتىق دەنساۋلىق ساقتاۋ مەكەمەلەرٸنە جەتكٸزٸلەدٸ جەنە ارنايى كٷزەتٸلەتٸن پالاتالاردا ەم قابىلدايدى», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, بارلىق تەرگەۋ ەرەكەتتەرٸ ارنايى جابدىقتالعان بەينەباقىلاۋ كامەرالارى ورناتىلعان ٷي-جايلاردا جٷرگٸزٸلەدٸ. سونداي-اق پروكۋراتۋرا ورگاندارى زاڭدىلىقتىڭ ساقتالۋىنا ٷنەمٸ قاداعالاپ وتىرادى.
«جەكە باسى مەن قىلمىستىڭ اۋىرلىعىن ەسكەرە وتىرىپ, ٸشكٸ ٸستەر ورگاندارى باستاماشىلىعىمەن 103 ادام قاماۋدان بوساتىلدى. ولارعا قاتىستى قوعامنان وقشاۋلاۋمەن بايلانىستى ەمەس بۇلتارتپاۋ شارالارى قولدانىلدى. تەك وسى اپتانىڭ باسىنان بەرٸ كٷزەتپەن ۇستاۋدان 36 ادام بوساتىلدى. بۇرىن حابارلانعانداي, وسى نەگٸزدەر بويىنشا ۋاقىتشا ۇستاۋ يزولياتورىنا كٸرگٸزبەي 200-دەن استام كٷدٸكتٸگە قاتىستى بۇلتارتپاۋ شارالارىنىڭ ٶزگە تٷرلەرٸ قابىلداندى», - دەدٸ سانجار ەدٸلوۆ.
