Qańtar oqiǵalaryna qatysty 728 adam tergeý izoliatorynda otyr. Bul týraly QR Qylmystyq-atqarý júiesi komiteti tóraǵasynyń orynbasary Meiram Aiýbaev aitty, dep habarlaidy QazAqparat tilshisi.
«Búgingi kúni tergeý izoliatorlarynda 728 adam qamaýda otyr. Olardyń barlyǵy aýyr jáne asa aýyr qylmystar jasady degen kúdikke ilindi. Taǵylǵan aiypqa baǵa berý sottyń quzyryna jatady jáne usynylǵan dálelderdiń negizinde beriledi. Ol: beinejazbalar, kýálardyń aiǵaqtarymen jáne basqa materialdar», - dedi tóraǵa orynbasary Ishki ister ministrliginiń baspasóz qyzmeti alańynda ótken brifingte.
Onyń atap ótýinshe, qańtarda Almatyda jáne basqa da birqatar oblys ortalyqtarynda tonaýlar oryn aldy. Ǵimarattar men avtokólikter órtelip, beibit turǵyndarǵa zorlyq-zombylyq, politsiia jáne áskeri qyzmetkerlerge shabýyl jasaldy.
«Osy kezeńde elimizde kóptegen ǵimarattar tonalyp, órteldi, júzdegen avtokólikter joiyldy. Memlekettik jáne jeke menshikke iri mólsherde materialdyq zalal keltirildi», - dedi Meiram Aiýbaev.
