قاڭتار وقيعالارىنا قاتىستى 728 ادام تەرگەۋ يزولياتورىندا وتىر. بۇل تۋرالى قر قىلمىستىق-اتقارۋ جٷيەسٸ كوميتەتٸ تٶراعاسىنىڭ ورىنباسارى مەيرام ايۋباەۆ ايتتى, دەپ حابارلايدى قازاقپارات تٸلشٸسٸ.
«بٷگٸنگٸ كٷنٸ تەرگەۋ يزولياتورلارىندا 728 ادام قاماۋدا وتىر. ولاردىڭ بارلىعى اۋىر جەنە اسا اۋىر قىلمىستار جاسادى دەگەن كٷدٸككە ٸلٸندٸ. تاعىلعان ايىپقا باعا بەرۋ سوتتىڭ قۇزىرىنا جاتادى جەنە ۇسىنىلعان دەلەلدەردٸڭ نەگٸزٸندە بەرٸلەدٸ. ول: بەينەجازبالار, كۋەلاردىڭ ايعاقتارىمەن جەنە باسقا ماتەريالدار», - دەدٸ تٶراعا ورىنباسارى ٸشكٸ ٸستەر مينيسترلٸگٸنٸڭ باسپاسٶز قىزمەتٸ الاڭىندا ٶتكەن بريفينگتە.
ونىڭ اتاپ ٶتۋٸنشە, قاڭتاردا الماتىدا جەنە باسقا دا بٸرقاتار وبلىس ورتالىقتارىندا توناۋلار ورىن الدى. عيماراتتار مەن اۆتوكٶلٸكتەر ٶرتەلٸپ, بەيبٸت تۇرعىندارعا زورلىق-زومبىلىق, پوليتسييا جەنە ەسكەري قىزمەتكەرلەرگە شابۋىل جاسالدى.
«وسى كەزەڭدە ەلٸمٸزدە كٶپتەگەن عيماراتتار تونالىپ, ٶرتەلدٸ, جٷزدەگەن اۆتوكٶلٸكتەر جويىلدى. مەملەكەتتٸك جەنە جەكە مەنشٸككە ٸرٸ مٶلشەردە ماتەريالدىق زالال كەلتٸرٸلدٸ», - دەدٸ مەيرام ايۋباەۆ.
