2020 jyldyń qańtarynda Biryńǵai jinaqtaýshy zeinetaqy qoryndaǵy zeinetaqy jinaqtary 97 mlrd teńgege kóbeidi, dep habarlaidy "Ult aqparat" «BJZQ» AQ-nyń baspasóz ortalyǵyna silteme jasap.
«2020 jyldyń 1 aqpanyndaǵy jaǵdai boiynsha barlyq negizgi kórsetkishter byltyrǵy jyldyń sáikes kezeńimen salystyrǵanda oń sipatqa ie. Zeinetaqy jinaqtarynyń jalpy somasy 10,9 trillion teńgeni qurap, bir jyl ishinde 16 paiyzǵa ósti. Jinaqtardyń basym bóligi mindetti zeinetaqy jarnalary (MZJ) esebinen qalyptasqan. Al MZJ esebinen jinalǵan jinaq aqsha 10,6 trln teńgeni qurady. Bir jyl ishindegi ósim – 15 paiyz», delingen habarlamada.
Zeinetaqy júiesiniń biryńǵai operatory málimetinshe, mindetti kásiptik zeinetaqy jarnalary (MKZJ) boiynsha zeinetaqy jinaqtarynyń somasy 251,2 mlrd teńgege (ósim – 25%), erikti zeinetaqy jarnalary (EZJ) boiynsha 1,9 mlrd teńgege (ósim – 4%) jetti.
2020 jyldyń qańtarynda zeinetaqy jinaqtary shamamen 97 mlrd teńgege ulǵaidy.
Sońǵy 12 ai ishinde zeinetaqy jinaqtarynyń tabystylyǵy – 6,68 paiyzdy, al infliatsiia deńgeii – 5,6 paiyzdy kórsetti. Osylaisha zeinetaqy aktivteriniń naqty tabystylyǵy oń sipatqa ie.
Zeinetaqy jinaqtary týraly tolyq aqparatty enpf.kz saitynan alýǵa bolady.
