2020 جىلدىڭ قاڭتارىندا بٸرىڭعاي جيناقتاۋشى زەينەتاقى قورىنداعى زەينەتاقى جيناقتارى 97 ملرد تەڭگەگە كٶبەيدٸ, دەپ حابارلايدى "ۇلت اقپارات" «بجزق» اق-نىڭ باسپاسٶز ورتالىعىنا سٸلتەمە جاساپ.
«2020 جىلدىڭ 1 اقپانىنداعى جاعداي بويىنشا بارلىق نەگٸزگٸ كٶرسەتكٸشتەر بىلتىرعى جىلدىڭ سەيكەس كەزەڭٸمەن سالىستىرعاندا وڭ سيپاتقا يە. زەينەتاقى جيناقتارىنىڭ جالپى سوماسى 10,9 تريلليون تەڭگەنٸ قۇراپ, بٸر جىل ٸشٸندە 16 پايىزعا ٶستٸ. جيناقتاردىڭ باسىم بٶلٸگٸ مٸندەتتٸ زەينەتاقى جارنالارى (مزج) ەسەبٸنەن قالىپتاسقان. ال مزج ەسەبٸنەن جينالعان جيناق اقشا 10,6 ترلن تەڭگەنٸ قۇرادى. بٸر جىل ٸشٸندەگٸ ٶسٸم – 15 پايىز», دەلٸنگەن حابارلامادا.
زەينەتاقى جٷيەسٸنٸڭ بٸرىڭعاي وپەراتورى مەلٸمەتٸنشە, مٸندەتتٸ كەسٸپتٸك زەينەتاقى جارنالارى (مكزج) بويىنشا زەينەتاقى جيناقتارىنىڭ سوماسى 251,2 ملرد تەڭگەگە (ٶسٸم – 25%), ەرٸكتٸ زەينەتاقى جارنالارى (ەزج) بويىنشا 1,9 ملرد تەڭگەگە (ٶسٸم – 4%) جەتتٸ.
2020 جىلدىڭ قاڭتارىندا زەينەتاقى جيناقتارى شامامەن 97 ملرد تەڭگەگە ۇلعايدى.
سوڭعى 12 اي ٸشٸندە زەينەتاقى جيناقتارىنىڭ تابىستىلىعى – 6,68 پايىزدى, ال ينفلياتسييا دەڭگەيٸ – 5,6 پايىزدى كٶرسەتتٸ. وسىلايشا زەينەتاقى اكتيۆتەرٸنٸڭ ناقتى تابىستىلىعى وڭ سيپاتقا يە.
زەينەتاقى جيناقتارى تۋرالى تولىق اقپاراتتى enpf.kz سايتىنان الۋعا بولادى.
