Biyl Qazaqstannan shetelge aýarylǵan qarajattyń somasy 30 paiyzǵa az boldy. Bul týraly Qarjylyq monitoring agenttiginiń tóraǵasy Janat Elimanov málim etti, dep habarlaidy QazAqparat.
«QR Qarjylyq monitoringi agenttigi kapitaldy shyǵarýdy baqylaý sharalaryn kúsheitý boiynsha júrgizilip jatqan jumysqa qatysty depýtattyq saýaldy qarady. Kapitaldy zańsyz shyǵarýǵa jol bermeý maqsatynda qarjy retteýshileri - Ulttyq bank (jáne Qarjy naryǵyn retteý jáne damytý agenttigimen (QNRDA) birlesip, kúdikti transshekaralyq aýdarymdardyń kúsheitilgen monitoringi jolǵa qoiyldy. Aǵymdaǵy jyly jalpy somasy 150 mlrd teńgeden asatyn elden tys jerlerge zańsyz aýdarý táýekeli joǵary kúdikti operatsiialar 3 ese kóp toqtatyldy jáne quqyq qorǵaý organdaryna jiberildi. Qabyldanyp jatqan sharalar esebinen shetelge aqsha qarajatyn shyǵarýdyń qandai da bir aýytqýshylyǵy baiqalmaidy. Kerisinshe, biyl shetelge 30 paiyzǵa az aýdaryldy», - dedi Elimanov depýtatattyq saýalǵa jaýap bere otyryp.
Osy oraida ol qańtar aiynda sheteldik aýdarymdar týraly aityp berdi.
«Osylaisha, kúdikti jáne shekti operatsiialar týraly derekterge sáikes, biylǵy qańtar aiynda shetelge aýdarymdar kólemi 2,6 trln teńgeni qurady (2021 jyldyń sáikes kezeńinde – 3,5 trln teńge). Operatsiialardyń 92 paiyzy 9 elge tiesili: AQSh-1,1 trln teńge; Resei – 814 mlrd teńge; Ulybritaniia – 176 mlrd teńge; Qytai– 80 mlrd teńge; Germaniia – 79,7 mlrd teńge; Lihtenshtein – 44,5 mlrd teńge; Shveitsariia – 43,8 mlrd. teńge; Gonkong – 30 mlrd teńge jáne BAÁ – 29,4 mlrd teńge», - dedi agenttik basshysy.
Aita keteiik, biyl aqpan aiynyń basynda Májilis depýtattary qańtardaǵy qaiǵyly oqiǵalar kezinde Qazaqstannan shetelge qandai kólemde qarjy shaǵarylǵanyn anyqtaý úshin saýal joldaǵan bolatyn.
Bul depýtattyq saýalda sońǵy 25 jylda Qazaqstannan sheteldik ofshorlarǵa shamamen 140-160 milliard AQSh dollary shyǵarylǵany atap ótilgen.
Eske salsaq, QR Prezidenti Úkimet otyrysynda shetelge zańsyz shyǵarylǵan qarjyny qaitarý jóninde tapsyrma bergen edi.
