2021 jyldyń qańtarynda memlekettik biýdjet 490,4 mlrd teńge salyqtyq túsimdermen tolyqty. Bul týraly Kirister komiteti habarlady.
2021 jylǵy qańtar aiyndaǵy memlekettik biýdjetke salyqtyq túsimder jospary 104,9%-ǵa, onyń ishinde respýblikalyq biýdjet 88,0%-ǵa jáne jergilikti biýdjet 137,0%-ǵa oryndaldy.
Esepti kezeńde memlekettik biýdjetke túsken salyqtyq túsimder 490,4 mlrd teńgeni qurady, 2020 jylǵa qaraǵanda 5,8%-ǵa (nemese 30,5 mlrd.teńgege) tómen. Onyń ishinde respýblikalyq biýdjet 14,6%-ǵa (nemese 46,1 mlrd.teńgege) tómendedi, jergilikti biýdjet 7,6%-ǵa (nemese 15,6 mlrd. teńgege) ósti.
Respýblikalyq salyqtar bóliginde respýblikalyq biýdjet jospary oryndalmaýynyń eń kóp somasy ishki óndiris taýarlaryna qosylǵan qun salyǵy boiynsha – 22,5 mlrd. teńge, korporativti tabys salyǵy - 14,2 mlrd. teńge (90,5%)jáne úshinshi elderden importqa qosylǵan qun salyǵy - 6,6 mlrd. teńge (86,8%).
Ótken jyldyń uqsas kezeńimen salystyrǵanda tómendeýdiń eń joǵarǵy somasy munaiǵa salynatyn kedendik áketý bajyna (7,5%-ǵa) tiesili.
Kiristerdiń tómendeýine mynadai faktorlar áser etti.
2020 jyldyń uqsas kezeńimen salystyrǵanda munai baǵasynyń 13,6%-ǵatómendeýi baiqalady.
Úshinshi eldermen taýar ainalymy 2021 jyldyń qańtarynda 22,2%-ǵa tómendedi (eksport 31,0% - ǵa tómendedi, import 1,2% - ǵa ósti).
2021 jylǵy qańtarda satý boiynsha ainalym 2020 jylmen salystyrǵanda 13,8%-ǵa (6 415 mlrd.teńgeden 5 529 mlrd.teńgeden deiin) tómendedi.
Kórsetilgen kezeńde bir salyq tóleýshige onlain baqylaý-kassa mashinalarynan ortasha túsimi 5,0%-ǵa (3,8 mln.teńgeden 3,6 mln. teńgege deiin) tómendedi.
2021 jylǵy qańtar aiynda jergilikti biýdjetke túsetin salyqtyq túsimder jospary 59,8 mlrd.teńgege artyq oryndalyp, 137,0%-dy quraidy.
Jergilikti biýdjetke salyqtyq túsimder 221,5 mlrd. teńgeni qurady, 2020 jylǵy qańtar aiymen salystyrǵanda 7,6%-ǵa (nemese 15,6 mlrd.teńgege) ósti.
